გურამ მახარაძე

დაბადების ადგილი: ვანის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ელსადგურების, ქსელებისა და სისტემების სპეციალობით 1963 წელს.

1963-1966წწ. მუშაობდა ტყვარჩელსრესში, თბილსრესში მორიგე ინჟინრად; 1966 წლიდან - საქართველოს პოლიტექნიკური ინსტიტუტის ენერგეტიკის ფაკულტეტის ელსადგურების, ქსელებისა და სისტემების კათედრის ასისტენტი; 1969-1972წწ. - ასპირანტი. ტექნიკურ მეცნიერებათა კანდიდატი (1986). გამოიკვლია ელექტრულ ქსელებში გრძივი და განივი ასიმეტრიის არსებობისას მიწაში დაინდუქცირებული დენების განაწილების კანონზომიერება და დაადგინა ელექტროგადამცემი ხაზების ელექტრული პარამეტრები სხვადასხვა მიმართულების დენების მიმართ. კითხულობს ლექციებს საქართველოს ტექნიკური უნივერსიტეტის ენერგეტიკის ფაკულტეტზე წამყვან დისციპლინებში: ელექტრული ენერგიის გადაცემა და განაწილება, ენერგოსისტემის რეჟიმების მართვა და ოპტიმიზაცია, ელექტრული ქსელების დაპროექტება. 2004 წლიდან - შპს "საქართველოს სახელმწიფო ელექტროსისტემის" ელექტრული რეჟიმებისა და ენერგოსისტემის განვითარების განყოფილების უფროსი. აქტიურად მონაწილეობს რეგიონალური ინტეგრაციის ენერგეტიკული საკითხების გადაჭრაში. საქართველოს ტექნიკური უნივერსიტეტის ენერგეტიკის და ტელეკომუნიკაციის ფაკულტეტის სრული პროფესორი და ამავე ფაკულტეტის სადისერტაციო საბჭოს თავმჯდომარის მოადგილე.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.217-218

• ელექტრული ქსელის დაპროექტება, ენერგოსისტემის დისპეტჩერული მართვა, ელექტრული სისტემის რეჟიმების ოპტიმიზაცია : საკურსო პროექტი/სამუშაო (თანაავტორი). - თბილისი, უნივერსალი, 2014. - 76გვ. . - ISBN: 9789941222382
• საჰაერო ელექტროგადაცემის ხაზების ნულოვანი და პირდაპირი მიმდევრობის წინაღობა (ავტორი). - თბილისი, უნივერსალი, 2013. - 83გვ.. - ISBN: 9789941220166
• ელექტრული ქსელების მუშაობის რეჟიმების გაანგარიშება და ანალიზი : დამხმ. სახელმძღვ. (თანაავტორი). - თბილისი, უნივერსალი, 2013. - 218გვ.. - ISBN: 9789941179310
• ელექტრული ქსელების დაპროექტება : სახელმძღვ. სტუდ. (თანაავტორი). - თბილისი, უნივერსალი, 2007. - 291გვ.. - ISBN: 9789994096725