ნიკოლოზ გუმილიოვი

დაბადების ადგილი: ქ. კრონშტანტი, რუსეთი.

ბავშვობა პეტერბურგში გაატარა; 1900 წელს გუმილიოვების ოჯახი თბილისში გადმოსახლდა უფროსი ვაჟიშვილის, დიმიტრის, ჯანმრთელობის მდგომარეობის გამო; ნ. გუმილიოვი თავდაპირველად სწავლობდა თბილისის მე-2 ვაჟთა გიმნაზიაში, ხოლო 1901 წლიდან თბილისის  ვაჟთა გიმნაზიაში; თბილისში გატარებულმა სამიოდე წელმა ბევრი რამ შესძინა ნ. გუმილიოვს: ახალი მეგობრები, საკუთარი თავის რწმენა, დამოუკიდებლობა და თავისუფლების  შეგრძნება. როდესაც გუმილიოვების ოჯახი ზაფხულის გასატარებლად რიაზანის გუბერნიაში გაემგზავრა ნ. გუმელიოვი მარტო დარჩა თბილისში; 1901 წელს გაზ. "ტიფლისკი ლისტოკში" გამოქვეყნდა მისი პირველი ლექსი - "Я в лес бежал из городов...", რომელსაც ხელს აწერდა კ. გუმელიოვი. თბილისში წერდა ლექსებს საქართველოზე, მის ბუნებაზე; 1903 წელს ნ. გუმილიოვი ოჯახთან ერთად რუსეთში, ცარსკოე სელოში დაბრუნდა; 1906 წელს პოეტი პარიზში გაემგზავრა, სადაც ორი წელიწადი დაჰყო; საფრანგეთში გუმილიოვს ურთიერთობა ჰქონდა ფრანგ პოეტებთან და მხატვრებთან, საფრანგეთში პოეტი ისმენდა ლექციებს სორბონაში და საფუძვლიანად სწავლობდა ფრანგულ ლიტერატურას; 1908 წელს პოეტი ბრუნდება რუსეთში, როგორც უკვე ფორმულირებული პოეტი და კრიტიკოსი, კითხულობდა ლექციებს სხვადასხვა ინსტიტუტებში, თარგმნიდა ინგლისურ და ფრანგულ პოეზიას, გამოსცა რამდენიმე ლექსთა კრებული, მათ შორის საუკეთესო – "ცეცხლოვანი გოდოლი"; 1910 წელს პოეტი მონაწილეობას იღებს ჟურნალ "აპოლონის" დაარსებაში,  სადაც იგი 1917 წლამდე  უძღვებოდა რუბრიკას – "წერილები რუსულ პოეზიაზე"; 1910 წელს მან იქორწინა პოეტ ანა ახმატოვაზე; ნ. გუმილიოვმა არ მიიღო 1917 წლის ოქტომბრის რევოლიცია; 1921 წელს პოეტი ბოლშევიკებმა დააპატიმრეს, ბრალად დასდეს კონტრრევოლუციურ შეთქმულებაში მონაწილეობა და დახვრიტეს.

წყარო: 100 ღირსსახსოვარი სახელი = 100 памятных имен = 100 memorable names : საქართველოში და საქართველოს გარეთ მოღვაწე უცხოელები / სარედ. კოლ.: მარიამ ლორთქიფანიძე, როინ მეტრეველი, ზურაბ აბაშიძე [და სხვ.] .- თბ., 2014.-გვ.71