ილია გიორგაძე

დაბადების ადგილი: ქ. თბილისი.
დაამთავრა Shady Side აკადემია (პიტსბურგი, აშშ) 1991 წელს; ივანე ჯავახიშვილის სახელობის თბილისის სახელმწიფო უნივერსიტეტი საერთაშორისო სამართლის სპეციალობით 1996 წელს; ლონდონის ეკონომიკისა და პოლიტიკურ მეცნიერებათა სკოლა LSE (ლონდონის უნივერსიტეტი) საერთაშორისო და ევროპული სამართლის მაგისტრის ხარისხით 1999 წელს; ჯორჯ მარშალის უსაფრთხოების სწავლებათა ევროპული ცენტრის ლიდერთა კურსი (გერმანია) 2005 წელს.

1997-1998წწ. იყო საქართველოს პარლამენტის საკონსტიტუციო იურიდიულ საკითხთა და კანონიერების კომიტეტის წამყვანი სპეციალისტი; 2000-2001წწ. უზენაესი სასამართლოს თავმჯდომარის თანაშემწე; 2001-2004წწ. ამერიკის იურისტთა ასოციაციის იურისტი, სასამართლო რეფორმისა და ანტიკორუფციული პროგრამის დირექტორი; 2004 წლიდან თავდაცვის სამინისტროს ევროატლანტიკური ინტეგრაციის სამმართველოს უფროსი; 2004-2005წწ. საქართველოს ეროვნული უშიშროების საბჭოს აპარატის საერთაშორისო უსაფრთხოების დეპარტამენტის დირექტორის მოადგილე; 2000-2005წწ. თბილისის სულხან-საბა ორბელიანის სახელობის სახელმწიფო პედაგოგიურ უნივერსიტეტში, უფროსი მასწავლებელი; 2005-2006წწ. საგარეო საქმეთა სამინიტროს ევროპულ საქმეთა და ევროინტეგრაციის დეპარტამენტის დირექტორის მოადგილე; 2006-2009წწ. ავსტრიისა და უნგრეთის რესპუბლიკებში საქართველოს საელჩოს, ეუთოსა და ქ. ვენაში განლაგებულ საერთაშორისო ორგანიზაციებთან საქართველოს მუდმივ წარმომადგენლობაში უფროსი მრჩეველი; 2009- 2012წწ. ავსტრიის რესპუბლიკაში საქართველოს საელჩოს, ევროპის უსაფრთხოებისა და თანამშრომლობის ორგანიზაციასა და ქ. ვენაში განლაგებულ საერთაშორისო ორგანიზაციებთან საქართველოს მუდმივი წარმომადგენლობის საგანგებო და სრულუფლებიანი დესპანი; 2012-2017წწ. საქართველოს საგანგებო და სრულუფლებიანი ელჩი რუმინეთში; 2018 წლიდან – საქართველოს საგანგებო და სრულუფლებიანი ელჩი ესპანეთის სამეფოში. მინიჭებული აქვს საგანგებო და სრულუფლებიანი ელჩის დიპლომატიური რანგი; 2017 წელს მიენიჭა Aurel Vlaicu-ს უნივერსიტეტის საპატიო დოქტორის ხარისხი (რუმინეთი).

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.57