სერგო მესხი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი მაკროეკონომიკის სპეციალობით 2002 წელს; ამავე უნივერსიტეტის ხელოვნებისა და ჰუმანიტარულ პროფესიათა ფაკულტეტი, სამართალმცოდნეობის განხრით - 2005 წელს; 2003 წელს გაიარა სრული სასწავლო კურსი ფინანსურ აღრიცხვაში, ბუღალტრული აღრიცხვის საერთაშორისო სტანდარტებით საქართველოს დამოუკიდებელ ბუღალტერთა და აუდიტორთა კავშირში; საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტის დოქტორანტურა, ეკონომიკის ფაკულტეტი 2013 წელს.

2001-2004წწ. მუშაობდა საქართველოს ფინანსთა სამინისტროს სახაზინო სამსახურში; 2004 წელს - უშიშროების სამინისტროს სამსახურის უფროსი, დეპარტამენტის უფროსის მოადგილე; 2005-2006წწ. - საქართველოს პრეზიდენტთან არსებული სსიპ "განვითარებისა და რეფორმების ფონდის" სამეურვეო საბჭოს წევრი; 2006-2008წწ. - სსიპ "განვითარებისა და რეფორმების ფონდის" სამეურვეო საბჭოს თავმჯდომარე; 2005-2007წწ. - საქართველოს ფინანსთა სამინისტროს საგადასახადო დეპარტამენტის მსხვილ გადამხდელთა ინსპექციის უფროსი; 2007-2008წწ. - საქართველოს ენერგეტიკის მინისტრის მოადგილე, შემდეგ, მინისტრის პირველი მოადგილე; 2008-2010წწ. - საქართველოს კონტროლის პალატის თავმჯდომარის მოადგილე; 2010-2015წწ. - საქართველოს ენერგეტიკისა და წყალმომარაგების მარეგულირებელი ეროვნული კომისიის წევრი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.227-228