ვასილ მეტრეველი

დაბადების ადგილი: სოფელი უწერა, ონის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერ-ელექტრომექანიკოსის კვალიფიკაციით 1952 წელს.

მუშაობდა უკრაინაში ქ. დნეპროძერჟინსკში შავი მეტალურგიის ქარხანაში; 1954 წელს გადმოიყვანეს რუსთავის მეტალურგიული კომბინატის ელექტროსამსახურში; 1955-1960წწ. მუშაობდა ფურცელსაგლინავი საამქროს უფროსი ელექტრიკოსის თანამდებობაზე; 1960-1966წწ. - ელექტროშემკეთებელი საამქროს უფროსი; 1966-1973წწ. - კომბინატის მთავარი ენერგეტიკოსის მოადგილე; 1973-1983წწ. - თბოელექტროსადგურის უფროსი; 1983-2003წწ. - რუსთავის მეტალურგიული კომბინატის მთავარი ენერგეტიკოსი; 1965-2000წწ. - საქართველოს პოლიტექნიკურ ინსტიტუტში კითხულობდა ლექციებს ელექტროტექნიკასა და სამრეწველო ელექტრონიკაში; ინსტიტუტში მუშაობის პერიოდში იყო სადიპლომო კომისიის წევრი, თავმჯდომარე. გარკვეული პერიოდის განმავლობაში იყო რუსთავის ელექტრომეურნეობის სამმართველოს (რელასი) მეთვალყურეთა საბჭოს წევრი, თავმჯდომარე; 2003 წლიდან მუშაობდა შპს "რუსმეტალის" გენერალური დირექტორის მრჩევლად. არის ომისა და სამხედრო ძალების ვეტერანი. ტექნიკურ მეცნიერებათა კანდიდატი, დოცენტი (1973).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.231-232

• ქალაქ რუსთავის საპატიო მოქალაქე
• საქართველოს დამსახურებული ინჟინერი