თემურ მიქიაშვილი

დაამთავრა საქართველოს პოლიტექნიკური ინსტიტუტი 1981 წელს.

1981-1986წწ. - საქართველოს პოლიტექნიკური ინსტიტუტი, ენერგეტიკის ფაკულტეტი, უფროსი ლაბორანტი; 1986-1989წწ. - ლენინგრადის პოლიტექნიკური ინსტიტუტი, ატომური და თბოენერგეტიკული განადგარების კათედრა, ასპირანტი; 1989-1991წწ. - საქართველოს პოლიტექნიკური ინსტიტუტი, ენერგეტიკის ფაკულტეტი, ასისტენტი; 1991-2003წწ. - ამავე ფაკულტეტის დოცენტი; 2003-2021წწ. - ენერგეტიკისა და ტელეკომუნიკაციის ფაკულტეტი, სრული პროფესორი; 2021 წლიდან - საქართველოს ტექნიკური უნივერსიტეტი, ენერგეტიკის ფაკულტეტი, პროფესორი. ხელმძღვანელობდა საქართველოში საერთაშორისო პროექტების ფარგლებში (უნგრეთი, უკრაინა, რუმინეთი, ბულგარეთი, სომხეთი) განხორციელებული ენერგოდაზოგვის პროექტებს. არის 80-მდე სამეცნიერო პუბლიკაციის, რამოდენიმე მეთოდური სახელმძღვანელოს, გაანგარიშებათა პროგრამების პაკეტისა და წიგნების ავტორი. იყო საქართველოს სათბობ-ენერგეტიკის სამინისტროს, BH&CoA, USAID, PA Consulting Group, "AES-თელასი", თბილსრესის სატრენაჟორო ცენტრის და თბილისის თეცის კონსულტანტი; კომპანია "B&R"-ს უფროსი ინჟინერი; შპს "ჯეოინჟინერინგის" მთავარი ექსპერტი; "მწვანე ალტერნატივას" ექსპერტი; ტყიბულის ქვანახშირის თესის პროექტის მთავარი ექსპერტი; ტურბოაგრეგატების ტექნიკური მდგომარეობის შეფასების მთავარი ექსპერტი. მისი სამეცნიერო კვლევის ძირითადი სფეროებია: ზოგადი ენერგეტიკა; თბო და ატომური ელსადგურების მუშაობის რეჟიმები და ექსპლუატაცია; სათბობენერგეტიკული სისტემების, ენერგობლოკებისა და დანადგარების მათემატიკური მოდელირება, პროგრამული უზრუნველყოფა, ოპტიმალური პროექტირება და მართვა; ელსადგურების ეკოლოგიური უსაფრთხოება და მუშაობის რეჟიმების ოპტიმიზაცია; ენერგოდანადგარების ტექნიკური დიაგნოსტირება; კომპიუტერული საექსპერტო და ტრეინინგ-სისტემები; ენერგოდამზოგი და ენერგოეფექტური ტექნოლოგიები; ელექტრული და სითბური ენერგიის კოგენერაცია; ენერგიის განახლებადი რესურსები; ენერგომენეჯმენტი; ენერგოაუდიტი; ენერგეტიკული პროექტების საინვესტიციო ეფექტიანობა და რისკების შეფასების საკითხები. ტექნიკის მეცნიერებათა დოქტორი (2002), პროფესორი (2002).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.243-244; საქართველოს ტექნიკური უნივერსიტეტი: my.gtu.ge

• თბოელექტროსადგურების ტექნოლოგია : სახელმძღვანელო (ავტორი). - თბილისი, ტექნიკური უნივერსიტეტი, 2020. - 438გვ. . - ISBN: 9789941285608
• ნარჩენი ბიომასის ენერგეტიკული პოტენციალი საქართველოში (კადასტრი) : მონოგრაფია (თანაავტორი). - თბილისი, ტექნ. უნ-ტი, 2013. - 197გვ.. - ISBN: 9789941202117
• კოგენერაცია, სითბური ენერგიის კონსერვაცია, აირტურბინული დანადგარები : სახელმძღვ. (ავტორი). - თბილისი, ტექნ. უნ-ტი, 2013. - 186გვ.. - ISBN: 9789941202810