დიმიტრი სტაროსელსკი

დაბადების ადგილი: ჩერნიგოვის გუბერნია, რუსეთის იმპერია (ახლანდელი ჩრდილოეთ უკრაინა).

დაამთავრა პოლტავის კადეტთა კორპუსი 1948 წელს.

1857 წელს კაპიტნის ჩინით დაინიშნა ქუთაისის გენერალ-გუბერნატორის, ბარონ ვრანგელის ადიუტანტად და ჩარიცხეს ქართულ გრენადერთა პოლკში. ამის შემდეგ დ. სტაროსელსკის სამხედრო, თუ სამოქალაქო-ადმინისტრაციული საქმიანობა მჭიდროდ უკავშირდება კავკასიას, კავკასიელ მთიელთა ცხოვრებას. 1877 წელს იგი თბილისში ჩამოვიდა; 1878 წელს დაინიშნა ამიერკავკასიის მეფისნაცვლის მთავარი სამმართველოს უფროსად. ამ პოსტზე იგი გარდაცვალებამდე მუშაობდა; დ. სტაროსელსკი ი. ჭავჭავაძის ქვისლი იყო - მას ცოლად ჰყავდა ოლღა გურამიშვილის და ეკატერინე. სტოროსელსკი თბილისის რჩეულ საზოგადოებაში ტრიალებდა, ახლოს იყო იაკობ გოგებაშვილთან, აკაკი წერეთელთან, იყო ილიას თანამოაზრე, ეხმარებოდა მას ქართელთა შორის წერა-კითხვის გამავრცელებელი საზოგადოების დაფუძნებაში; დ. სტაროსელსკის დიდი ღვაწლი მიუძღვის ასევე წინამძღვრიანთკარის სამეურნეო სასწავლებლის გახსნაში. დიმიტრისა და ეკატერინეს ქალიშვილი ნინო სტაროსელსკაია იყო თავად იოსებ შალიკაშვილის მეუღლე, მათი ვაჟის, დიმიტრის, შვილები არიან ცნობილი ამერიკელი გენერლები: ოთარ და ჯონ-მალხაზ შალიკაშვილები.

წყარო: 100 ღირსსახსოვარი სახელი = 100 памятных имен = 100 memorable names : საქართველოში და საქართველოს გარეთ მოღვაწე უცხოელები / სარედ. კოლ.: მარიამ ლორთქიფანიძე, როინ მეტრეველი, ზურაბ აბაშიძე [და სხვ.] .- თბ., 2014.-გვ.256-258