რევო მშვიდობაძე

დაამთავრა დონის როსტოვის რკინიგზის ტრანსპორტის ინჟინერთა ინსტიტუტის ენერგეტიკის ფაკულტეტი 1961 წელს.

სამუშაო გამოცდილება: აფხაზეთის რკინიგზის განყოფილება; რკინიგზის სოხუმის უბნის ელექტრომომარაგება; "საქმთავარენერგოს" სოხუმის ელექტროქსელები; წევის ელექტროქვესადგურის ელექტრომონტიორი, მორიგე ტექნიკოსი, მორიგე ინჟინერი, სამუშაოს მწარმოებელი, ენერგოდისპეტჩერი; სოხუმის 220 კვ. საკვანძო ქვესადგურის მორიგე ინჟინერი, ექსპლუატაციის და უსაფრთხოების ტექნიკის უფროსი ინჟინერი, საწარმოო-ტექნიკური განყოფილების გამგის მოადგილე, გამგე; "საქმთავარენერგოს" ავარიებთან ბრძოლისა და უსაფრთხოების ტექნიკის სამსახურის უფროსი, იმედიანობის სამსახურის უფროსი, საწარმოო-ტექნიკური განყოფილების უფროსის მოვალეობის შემსრულებელი, საგეგმო-ეკონომიური სამმართველოს უფროსის მოადგილე, ენერგოგასაღების დირექტორი; "ენერგოზედამხედველობის" უფროსი; "საქმთავარენერგოს" უფროსის მოადგილე; საქართველოს მეცნიერებათა აკადემიის "საქაკადემუზრუნველყოფის" გენერალური დირექტორი; "ელექტროგადაცემის" გენერალური დირექტორის მთავარი კონსულტანტი; ელექტროპროფკავშირის თავმჯდომარის მთავარი მრჩეველი, საქართველოს ენერგეტიკის ვეტერანთა კავშირის თავმჯდომარე; მისი ინიციატივით "საქმთავარენერგოს" ცენტრალურ გამოთვლით ცენტრში დაინერგა შესრულების კონტროლის პროგრამა, რამაც მკვეთრად გაზარდა საშემსრულებლო დისციპლინა; 2000 წელს სხვა დამფუძნებლებთან ერთად ჩამოაყალიბა "საქართველოს ენერგეტიკის ვეტერანთა კავშირი", რომელმაც ხელი შეუწყო ენერგეტიკის ვეტერანებისთვის დახმარების საქმეს; მუშაობდა ასევე საქართველოს საბაჟო დეპარტამენტის ცენტრალურ აპარატში სამმართველოს უფროსად. მისი ხელმძღვანელობით საქართველოს საზღვრის მთელ პერიმეტრზე ყველა გამშვებ-საკონტროლო პუნქტზე განხორციელდა ადგილობრივი ელექტრომომარაგება; გამოქვეყნებული აქვს მოკლე ისტორიული ცნობარი "საქართველოს ენერგოსისტემა" "აწჰესი 70 წლისაა", "ზაჰესის 80 წელი", "საქართველოს ენერგეტიკის მუშაკთა პროფკავშირი - ქვეყნის პროფკავშირული მოძრაობის აქტიური რგოლი". მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.254

• საქართველოს ენერგეტიკის აკადემია, აკადემიკოსი

• საქართველოს ენერგეტიკის დამსახურებული მუშაკი

• შრომის უსაფრთხოების და სამრეწველო სანიტარიის ზოგადი წესები : დამხმარე სახელმძღვანელო - რეკომენდაციები შემმოწმებლებისათვის (თანაავტორი). - თბილისი, 2020. - 76გვ. . - ISBN: 9789941813092
• საქართველოს ენერგეტიკის მუშაკთა პროფკავშირი : Профсоюз работников энергетики Грузии = Trade union of power engineers of Georgia (შემდგენელი). - თბილისი, შპს "მაცნე პრესი", 2009. - 32გვ.
• უსაფრთხო შრომა სიცოცხლის გარანტიაა (თანაავტორი). - თბილისი, საქ. ენერგეტიკის, ელექტროტექნ. მრეწველობის და ბიზნესში დასაქმებულ მუშაკთა თავისუფალი პროფკავშირი, 2005. - 32გვ.