არჩილ ნიკოლაიშვილი

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი "თბოელექტროსადგურების" სპეციალობით, ინჟინერ-თბოენერგეტიკოსის კვალიფიკაციით 1978 წელს; დაამთავრა მოსკოვის ენერგეტიკის ინსტიტუტის ასპირანტურა, ტექნიკურ მეცნიერებათა კანდიდატი (1988).

1978 წელს მუშაობდა "ორგენერგომშენის" თბილისის ფილიალში ინჟინრად; 1979 წლიდან - "აგრეგატის" თბილისის განყოფილებაში უმცროს მეცნიერ-თანამშრომლად; 1992-1993წწ. - ქარხანა "აგრეგატის" ინჟინერ-ენერგეტიკოსი; 1993 წლიდან - "საქენერგორემონტის" ტექნიკური განყოფილების უფროსის მოადგილე, შემდეგ უფროსი; 1995 წლიდან - "საქენერგორემონტის" მთავარი ინჟინერი; 1999 წლიდან - ტექნიკური დირექტორის მოადგილე; 2000 წლიდან - ტექნიკური დირექტორი; 2005 წლიდან - საქართველოს ენერგეტიკის მინისტრის მოადგილე; მისი ხელმძღვანელობით მიმდინარეობდა ენერგეტიკის დარგში სახელმწიფო პოლიტიკის, სახელმწიფო სტრატეგიისა და სახელმწიფო პროგრამების განხორციელების კოორდინაცია, საკანონმდებლო და ნორმატიული ბაზის დამუშავება, დარგის ტექნიკური მდგომარეობის მონიტორინგი. აქტიურად ურთიერთობდა საერთაშორისო ორგანიზაციებთან, ენერგეტიკის დარგში სამეცნიერო-კვლევით და საპროექტო ინსტიტუტებთან. ხელს უწყობდა საგანმანათლებლო მიმართულების განვითარებას; 2012 წლიდან - სს "საქრუსენერგოს" ტექნიკური დირექტორი. არის 16 სამეცნიერო სტატიის ავტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.268-269