ივანე ნონიევი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ელექტრიკოსის კვალიფიკაციით 1971 წელს.

1971-1973წწ. - საქართველოს ენერგეტიკის და ჰიდროტექნიკური ნაგებობების სამეცნიერო-კვლევითი ინსტიტუტი, ნატურული დაკვირვებების განყოფილება, ინჟინერი; 1973-1974წწ. - ამავე განყოფილების უფროსი ინჟინერი; 1974-1976წწ. - უნცროსი მეცნიერ-თანამშრომელი; 1979-1985წწ. - ჯგუფის ხელმძღვანელი; 1985-1992წწ. - უფროსი მეცნიერ-თანამშრომელი; 1992-1993წწ. - ნაგებობების მონიტორინგის და დიაგნოსტიკის ცენტრი, სს "დიანდჰესი", კაშხლების მონიტორინგის ლაბორატორია, ლაბორატორიის გამგე; 1996-2008წწ. - ამავე ცენტრის დირექტორის მოადგილე სამეცნიერო-კვლევით საკითხებში; 2006-2016წწ. - შპს "ჰიდროდიაგნოსტიკა", დირექტორი, თანადამფუძნებელი; 2006-2010წწ. - გ. ჩოგოვაძის სახელობის საქართველოს ენერგეტიკისა და ენერგეტიკულ ნაგებობების სამეცნიერო-კვლევითი ინსტიტუტი, ნაგებობათა დიაგნოსტიკის განყოფილების გამგე; 2015-1016წწ. - საქართველოს ტექნიკური უნივერსიტეტი, ენერგეტიკის და ტელეკომუნიკაციის ფაკულტეტი, მოწვეული პროფესორი; 2016-2022წწ. - შპს "ჰიდროდიაგნოსტიკა", კვლევითი ჯგუფი, პროექტის კოორდინატორი; 2016-2018წწ. - საქართველოს ტექნიკური უნივერსიტეტი, ენერგეტიკის და ტელეკომუნიკაციის ფაკულტეტი, მოწვეული ასოცირებული პროფესორი; 2018-2021წწ. - ამავე ფაკულტეტის ასოცირებული პროფესორი; 2021 წლიდან - საქართველოს ტექნიკური უნივერსიტეტის ენერგეტიკის ფაკულტეტის ასოცირებული პროფესორი. მისი სამეცნიერო ინტერესებია: ნაგებობების და გარემოს ინსტრუმენტალური მონიტორინგი, ჰიდრონაგებობების უსაფრთხოება, ადრეული გაფრთხილების სისტემები ენერგეტიკის ობიექტებზე, ჰიდროენერგეტიკა. მონაწილეობა: 1998-2001წწ. ენგურის კაშხლის მონიტორინგის რეაბილიტაციის პროექტი; 2002-2004წწ. - საქართველო-იტალიის პროექტი "საქართველოს კაშხლებზე და წყალსაცავებზე გეოფიზიკური კვლევების და მონიტორინგის ჩატარება"; 2005-2006წწ. - ენგურჰესის რეაბილიტაციის პროექტი (EBRD); 1999-2008წწ. - ქ. თბილისის წმიდა სამების ტაძრის მონიტორინგის სისტემის პროექტირება, მშენებლობა და ექსპლუატაცია; 2007-2009წწ. - ალგეთის და სიონის წყალსაცავების რეაბილიტაციის პროექტი - კაშხლების ავტომატური ინსტრუმენტალური მონიტორინგის სისტემების პროექტირების და მშენებლობის ხელმძღვანელი. 2004 წელს მიღებული აქვს საქართველოს საპატრიაქოს სიგელი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.273-274; საქართველოს ტექნიკური უნივერსიტეტი: my.gtu.ge

• საერთაშორისო ჰიდროენერგეტიკული ასოციაცია (IHA), წევრი (1996-2001)
• საქართველოს დიდი კაშხლების ეროვნული კომიტეტი, წევრი (2013-)

• 2010 - საქართველოს დამსახურებული ენერგეტიკოსი
• 1979 - მედალი "შრომითი წარჩინებისთვის"