ბორის ოვვიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი სპეციალობით ნავთობისა და აირის საბადოთა ექსპლუატაციის ინჟინერი 1956 წელს.

1956-1958წწ. მუშაობდა უზბეკეთის და ტაჯიკეთის ნავთობის საძიებო უბნების და ნავთობის საბადოების ჭაბურღილებიდან ნავთობის მოპოვების ოპერატორად, ოსტატის მოადგილედ, ცენტრალური სამეცნიერო-კვლევითი ლაბორატორიის უფროს ინჟინრად და სარეწაოს სექტორის უფროსად; 1958-1978წწ. აღმოსავლეთ და დასავლეთ საქართველოს ნავთობის საძიებო უბნებზე და ნავთობის საბადოებზე ჭაბურღილების კვლევის, ათვისების და კაპიტალური რემონტის ოსტატად, უფროს ინჟინრად; კაროტაჟულ ტამპონაჟურ ექსპედიციაში და საძიებო ჭაბურღილების ათვისების კანტორაში ფენის გამომცდელების გამოყენების უფროს ინჟინრად, ფენის ჰიდროგახლეჩვის და მარილმჟავით დამუშავების ჯგუფების და საამქროს უფროსად; "ნავთობსამეცნიეროს" ჭაბურღილების კვლევის, ათვისების და დამთავრების ჯგუფის ხელმძღვანელად; გაერთიანება "საქნავთობის" ბურღვის, მოპოვების და ტექნიკური განყოფილებების უფროსის მოადგილედ; 1978-1981წწ. ალჟირის უდიდესი ნავთობის საბადოს "ხასსი მესაუდ"-ის ჭაბურღილების ათვისების და კაპიტალური რემონტის უფროს ინჟინერ-ექსპერტად; 1981-2005წწ. მუშაობდა შპს "ნავთობსამეცნიეროს" მთავარ ინჟინრად, გენერალური დირექტორის მოადგილედ.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.275

• საერთაშორისო მეცნიერებათა აკადემია, ნამდვილი წევრი

• 2002 - საქართველოს ნავთობისა და გაზის მრეწველობის საპატიო მუშაკი
• 1981 - შრომის ვეტერანის მედალი
• 1970 - მედალი "შრომითი წარჩინებისთვის"