მამია ონიაშვილი

დაბადების ადგილი: ამბროლაურის რაიონი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი ნავთობისა და გაზის საბადოების დამუშავების სპეციალობით 1964 წელს და მიენიჭა სამთო ინჟინრის კვალიფიკაცია.

მუშაობა დაიწყო "საქნავთობში"; 1964-1966წწ. მუშაობდა ბურღვის ოსტატის თანაშემწედ; 1966-1968წწ. ტრესტ "საქნავთობის" საწარმოო-ტექნიკური განყოფილების ბურღვის ინჟინრად; 1968-1975წწ. - საწარმოო-ტექნიკური განყოფილების უფროსის მოადგილედ; 1975-1993წწ."საქნავთობის" გენერალური დირექტორის მოადგილედ; 1993-1995წწ. დეპარტამენტ "საქნავთობის" თავმჯდომარის მოადგილედ; 1995 წელს - "საქნავთობის" მშენებლობის მთავარი სამმართველოს უფროსად; 1995-1999წწ. "საქნავთობის" "ნავთობმშენის" სამმართველოს უფროსი - კომპანიის ვიცე-პრეზიდენტი; 1999-2002წწ. აღმოსავლეთ საქართველოს მილსადენების ქართულ-ბრიტანული კომპანიის გენერალური დირექტორი; 2002-2003წწ. - "საქნავთობის" გენერალური დირექტორის კონსულტანტი ტექნიკურ საკითხებში; 2003-2006წწ. - შპს "საქნავთობი-სამგორის" გენერალური დირექტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.276

• საქართველოს ეკოლოგიურ მეცნიერებათა აკადემია, წევრ-კორესპონდენტი

• საქართველოს ნავთობისა და გაზის მრეწველობის საპატიო მუშაკი