ვლადიმერ პანიევი

დაბადების ადგილი: ქ. სოხუმი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერ-ელექტრიკოსის კვალიფიკაციით 1941 წელს.

საშუალო განათლების მიღების შემდეგ დაიწყო შრომითი საქმიანობა ზემოავჭალის ჰიდროელექტროსადგურში (ზაჰესი); 1941-1945წწ. მუშაობდა საქართველოს ცკკპ სამრეწველო-სატრანსპორტო განყოფილებაში, შემდეგ დაინიშნა 26 კომისრის რაიონის აღმასკომის თავმჯდომარედ; 1955 წლიდან 23 წლის განმავლობაში იყო "თელასის" მმართველი. ამ წლების მანძილზე თბილისში წარმატებით ნერგავდა ელექტროგანათების ახალი ქსელის მშენებლობის წამყვან ტექნოლოგიებს; განათებულ იქნა ტრასები წყნეთის დასახლების, აეროპორტისა და ფუნიკულიორის მიმართულებით; შემუშავდა და განხორციელდა ისეთი ისტორიული ძეგლების გარე და არქიტექტურულ-დეკორატიული განათების პროექტები, როგორიცაა ნარიყალა, მეტეხი, ქართლის დედა ქ. თბილისში, ჯვრის მონასტერი, სვეტიცხოველი ქ. მცხეთაში, ასევე კულტურის მნიშვნელოვანი ობიექტები - რუსთაველის სახელობის თეატრი, მარჯანიშვილის სახელობის თეატრი და ოპერისა და ბალეტის თატრი; 1970-იანი წლების ბოლოს ხელმძღვანელობდა ელექტროსაქსელო საწარმოს "საქშუქი", რომელიც აწარმოებდა ელექტრო-განმანათებელი ქსელებისა და გარე არქიტექტურულ დეკორატიული განათების დანადგარების მშენებლობას. აღზარდა ინჟინერ-ენერგეტიკოსების არაერთი თაობა. მრავალი წლის განმავლობაში თანამშრომლობდა და იბეჭდებოდა ჟურნალებში: "ენერგეტიკოსი", "Светотехника". მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.280

• მედალი "1941-1945 წლებში დიდ სამამულო ომში მამაცური შრომისთვის"
• მედალი "კავკასიის დაცვისთვის"
• შრომის ვეტერანი
• საქართველოს დამსახურებული ინჟინერი