თამარ გაბუნია

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1991 წელს. 2007-2009 წლებში მიიღო საზოგადოებრივი ჯანდაცვის მაგისტრის წოდება ჯანდაცვის პოლიტიკისა და მენეჯმენტის სპეციალიზაციით (ათენი, ჯორჯიას უნივერსიტეტი, ამერიკის შეერთებული შტატები).

1992-2001 წლებში იყო ჩუღურეთის რაიონის საოჯახო მედიცინისა და სამკურნალო დიაგნოსტიკის ცენტრის უბნის ექიმი; საოჯახო მედიცინის ეროვნული სასწავლო ცენტრის კლინიკური დირექტორი (2001 წლის იანვარი - 2006 წლის მარტი); ჯანმრთელობის ეროვნული ინსტიტუტის ჯანმრთელობის პოლიტიკის სპეციალისტი (საქართველო) (2004 წლის ნოემბერი- 2006 წლის დეკემბერი);  საქართველოს შრომის, ჯანმრთელობისა და სოციალური დაცვის სამინისტროს სექტორული პოლიტიკის დეპარტამენტის უფროსი (2007 წლის იანვარი-აგვისტო); საოჯახო მედიცინის ეროვნული სასწავლო ცენტრის სამედიცინო მომსახურებისა და სასწავლო პროგრამების ხარისხის კონსულტანტი (თბილისი, საქართველო) (2009 წლის აგვისტო -2011 წლის თებერვალი); საქართველოს ჯანმრთელობისა და სოციალური დაცვის პროექტების განმახორციელებელი ცენტრის გაიდლაინების ექსპერტი-ანალიტიკოსი (2010 წლის აპრილი- 2011 წლის თებერვალი); გაეროს მოსახლეობის ფონდის რეპროდუქციული ჯანმრთელობის ეროვნული საბჭოს ტექნიკური მრჩეველი (2011 წლის მაისი- 2011 წლის დეკემბერი); აშშ საერთაშორისო განვითარების სააგენტოს საქართველოში ტუბეკულოზის პრევენციის პროექტის დირექტორი, University Research Co. LLC (2011-2016); ტუბერკულოზის კონტროლისა და ჯანდაცვის სისტემების გაძლიერების ექსპერტი, აშშ საერთაშორისო განვითარების სააგენტოს პროექტი TB Care II (გლობალური), University Research Co. LLC, სამუშაოს შესრულების ადგილი: ვიეტნამი, ინდოეთი, სამხრეთ აფრიკა, ყაზახეთი, უკრაინა (2016 წლის მაისი-2017 წლის ივნისი და 2018 წლის მარტი-მაისი); პროექტის დირექტორის მოვალეობის შემსრულებელი, აშშ საერთაშორისო განვითარების სააგენტოს მალარიის ელიმინაციის პროგრამა, პნომპენი, კამბოჯა, University Research Co. LLC (2017 წლის ივლისი- 2018 წლის თებერვალი); აშშ საერთაშორისო განვითარების სააგენტოს პროექტის "პლატფორმა ტუბერკულოზის გამოვლენის, მართვისა და პრევენციისთვის"ტექნიკური მიმართულების ხელმძღვანელი, მანილა, ფილიპინები, University Research Co. LLC (2018 წლის ივნისი- 2019 წლის თებერვალი); საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე 2019 წლის 27 თებერვალი-8 სექტემბერი). 2019 წლის 12 სექტემბრიდან არის საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე. 

წყარო: საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო: moh.gov.ge