ვახტანგ ჯაოშვილი

დაბადების ადგილი: ქ. თბილისი.
დაამთავრა თბილისის სახელმწიფო უნივერსიტეტი ეკონომიკური გეოგრაფიის სპეციალობით 1995 წელს; თბილისის სახელმწიფო უნივერსიტეტი, ფრანგული ენისა და ლიტერატურის მეორადი ფაკულტეტი 1994 წელს; პარიზის დიდროს უნივერსიტეტის გეოგრაფია და ისტორიის ფაკულტეტი 1996 წელს.

 1997-1999წწ. იყო საქართველოს საგარეო საქმეთა სამინისტროს საგარეო პოლიტიკის კვლევისა და ანალიზის ცენტრის მრჩეველი; 1999-2004წწ. ისრაელის სახელმწიფოში საქართველოს საელჩოში ეკავა ატაშეს, მესამე, მეორე და პირველი მდივნის თანამდებობები, შემდგომში − საკონსულო სამსახურის უფროსი; 2004-2008წწ. საფრანგეთში საქართველოს საელჩოში ეკავა უფროსი მრჩევლისა და საკონსულო სამსახურის უფროსის თანამდებობები; 2012 წელს აზიის, აფრიკის, ავსტრალიისა და ოკეანეთის დეპარტამენტის დირექტორის მოადგილე; 2018 წელს ახლო აღმოსავლეთისა და აფრიკის ქვეყნების დეპარტამენტის დირექტორი. 2008-2012წწ. საქართველოს საგანგებო და სრულუფლებიანი ელჩი ისრაელის სახელმწიფოში; 2012-2018წწ. საქართველოს საგანგებო და სრულუფლებიანი ელჩი ეთიოპიის ფედერაციულ დემოკრატიულ რესპუბლიკაში აკრედიტებული ჯიბუტის რესპუბლიკაში, სეიშელის რესპუბლიკაში, სომალის ფედერაციულ რესპუბლიკასა და კენიის რესპუბლიკაში; 2018 წლიდან საქართველოს საგანგებო და სრულუფლებიანი ელჩი საუდის არაბეთის სამეფოში აკრედიტებული ბაჰრეინის სამეფოში, ომანის სასულთნოსა და იემენის რესპუბლიკაში. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ. 194