ვალერიან ფუტკარაძე

დაბადების ადგილი: სოფელი დღვანი, შუახევის რაიონი.

დაამთავრა ბათუმის საზღვაოსნო სასწავლებლის გემთწამყვანი ფაკულტეტი 1975 წელს; ნოვოროსიისკის უმაღლესი საზღვაო-საინჟინრო სასწავლებელი ინჟინერ-გემთწამყვანის სპეციალობით 1987 წელს.

სწავლის დასრულების შემდეგ განაწილებით ნოვოროსიისკის საზღვაო სანაოსნოს მცურავ შემადგენლობაში მოხვდა და წლების მანძილზე გემბანის მატროსად ცურავდა ამ სანაოსნოს არაერთ გემზე; 1988 წელს სამშობლოში დაბრუნდა და შორეული ნაოსნობის კაპიტნის თანაშემწედ პროფესიული საქმიანობა საქართველოს საზღვაო სანაოსნოს გემებზე გააგრძელა; მომდევნო წლებში გაიარა საზღვაო შტურმანობის ყველა საფეხური, იყო კაპიტნის მეოთხე, მესამე, მეორე და უფროსი თანაშემწე, 1998 წელს კი იგი თავად დაამტკიცეს შორეული ნაოსნობის კაპიტნად; კონტრაქტის საფუძველზე კაპიტნად საქმიანობდა ცნობილი უცხოური სანაოსნო კომპანიების: «COLUMBIA  SHIPMANAGEMENT»-ის, «V. SHIPS»-ის, «BERNHARD SCHULTE»-სა და სხვათა გემებზე. მოქმედი შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com