ოთარ სოლომონია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი; საქართველოს მეცნიერებათა აკადემიის ენერგეტიკის ინსტიტუტის ასპირანტურა.

1953 წელს მუშაობა დაიწყო იმავე ინსტიტუტში უმცროს მეცნიერ-თანამშრომლად. მის მიერ შემოთავაზებული მათემატიკური მოდელი გამოყენებული იყო ხუდონის, მინაძისა და ნამახვანის ჰესების დაგეგმარებისას. პირველმა დაამუშავა წყალსაცავების ფუნქციონირების მათემატიკური მოდელი. 1970 წელს დაიწყო გამოკვლევები საქართველოს მცირე ჰესების ავტომატიზაციის საკითხებში, შექმნა მეცნიერული სკოლა წყალენერგეტიკული ობიექტების ოპტიმალური დაგეგმარებისა და მართვის თეორიაში. მისი ხელმძღანელობით დაცული იქნა საკანდიდატო და სადოქტორო დისერტაციები. გამოაქვეყნა 100 სამეცნიერო ნაშრომი, მათ შორის, ესპანეთში, იუგოსლავიაში, ჩეხოსლოვაკიაში, ბულგარეთში. მისი მონაწილეობით შესრულებულ ნაშრომს "საქართველოს ენერგეტიკის განვითარების კონცეფცია" 1992 წელს მიენიჭა საქართველოს საინჟინრო აკადემიის პრემია. ხელმძღვანელობდა აშშ-ის მიერ დაფინანსებულ თემას "საქართველოს მდინარეების ჰიდროენერგეტიკული ტექნიკური პოტენციალის კადასტრი", რომელიც გამოიცა 2006 წელს. 1971 წლიდან ხელმძღვანელობდა ინსტიტუტის ჰიდროენერგეტიკული კვლევების განყოფილებას. წლების განმავლობაში იყო ინსტიტუტის სადისერტაციო საბჭოს თავმჯდომარე. ჩამოაყალიბა მეცნიერული სკოლა ჩვენს ქვეყანაში საბაზრო ეკონომიკის განვითარების პრინციპების გათვალისწინებით. ტენიკურ მეცნიერებათა კანდიდატი (1955), ტექნიკურ მეცნიერებათა დოქტორი (1968), პროფესორი (1968).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.307-308

• საქართველოს ენერგეტიკის აკადემია, აკადემიკოსი

• საქართველოს მდინარეების მცირე ჰიდროენერგეტიკული ტექნიკური პოტენციალის კადასტრი (თანაავტორი). - თბილისი, საქ. ენერგეტიკისა და ენერგეტ. ნაგებობათა ს.-კ. ინ-ტი, 2006. - 480გვ.