რომან ტიტიშოვი

დაბადების ადგილი: სოფელი არკადაკი (სარატოვის გუბერნია).

დაამთავრა ვ. ვ. კუიბიშევის სახელობის მოსკოვის საინჟინრო-სამშენებლო ინსტიტუტი 1930 წელს და მიიღო ინჟინერ-ჰიდრო ტექნიკოსის კვალიფიკაცია. 

სწავლის პერიოდში მუშაობდა რიონჰესზე, სადაც გააგრძელა მუშაობა ინსტიტუტის დამთავრების შემდეგ. მუშაობდა უფროსი ტექნიკოსის, უფროსი ინჟინრის, მშენებლობის სამმართველოს საპროექტო განყოფილების უფროსის მოვალეობის შემსრულებლის თანამდებობებზე. 1936 წელს ხრამჰეს-I-ის მშენებლობის საპროექტო განყოფილების ძალოვანი კვანძის ჯგუფის ხელმძღვანელი; 1938 წლიდან - ელექტროსადგურის სათავე კვანძის სამუშაოთა უფროსი; 1941-1943წწ. - თავდაცვის ობიექტებზე სამუშაოთა მწარმოებელი; 1944 წლიდან - ხრამჰეს-I-ის მშენებლობაზე იმუშავა ელექტროსადგურის საექსპლუატაციოდ ჩაბარებამდე; 1948 წლიდან - სამგორის ჰესების მშენებლობაზე მთავარი ინჟინრის მოადგილე; 1951 წლიდან - სიონის ჰიდროკვანძის მთავარი ინჟინრის მოადგილე და საწარმოო-ტექნიკური განყოფილების უფროსი; 1955-1956წწ. - ლაჯანურჰესის ცაგერის კვანძის მთავარი ინჟინერი; 1957-1980წწ. - "საქჰიდროენერგომშენი", სამთო სამუშაოების განყოფილების გამგე. მონაწილეობდა ხრამჰეს-2, ენგურჰესის, ჟინვალჰესის მიწისქვეშა ნაგებობათა დაპროექტებასა და მშენებლობაში, აქვეყნებდა სტატიებს ცენტრალურ ჟურნალებში. მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.316

• საქართველოს დამსახურებული მშენებელი
• ღირსების ორდენი
• შრომის წითელი დროშის ორდენი