ამირან ტყეშელაშვილი

დაბადების ადგილი: ქ. ვანი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ელექტრული ქსელებისა და სისტემების სპეციალობით 1980 წელს და მიენიჭა ინჟინერ-ელექტრიკოსის კვალიფიკაცია.

1972 წელს - საპროექტო ინსტიტუტი "სოფენერგოპროექტი", უფროსი ტექნიკოსი; 1973-1980წწ. - "საქმთავარენერგოს" ცენტრალური ელექტროქსელი, ქვესადგურების მომსახურე ელექტრომონტიორი; 1980-1987წწ. - "სამთავარენერგოს" ცენტრალური სადისპეტჩერო სამსახური, დისპეტჩერი, უფროსი დისპეტჩერი; 1987-1994წწ. - "საქენერგოს" ცენტრალური ელექტრული ქსელების ქვესადგურების სამსახურის უფროსის მოადგილე, მთავარი ინჟინრის მოადგილე, მთავარი ინჟინერი; 1994-1996წწ. - საქართველოს საზღვაო სანაოსნო შორეული ნაოსნობის ინჟინერ-ელექტრიკოსი; 1996-2004წწ. - შპს "საქართველოს სახელმწიფო ელექტროსისტემის" თბილისის ფილიალის მთავარი ინჟინრის მოადგილე; 2004-2005წწ. - მესხეთის რეგიონის მენეჯერი; 2005-2007წწ. - ელექტროენერგიის აღრიცხვის სამსახურის მენეჯერი; 2007-2010წწ. - ტექნიკური ინსპექციის უფროსი, ტექნიკური უსაფრთხოებისა და ინსპექციის სამსახურის უფროსი ინჟინერი ტექნიკური ინსპექციის საკითხებში; 2012 წლიდან - შპს "ენერგოტრანსის" კონვერტორული ქვესადგურის "ახალციხე-500"-ის უფროსი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.318

• 2006 - საქართველოს დამსახურებული ენერგეტიკოსი