რენო ურუშაძე

დაბადების ადგილი: ქ. ოზურგეთი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერ-ელექტრიკოსის კვალიფიკაციით 1957 წელს.

მუშაობა დაიწყო რუსეთის ფედერაციის ქ. იაროსლავში. 1970-1972წწ. იყო ქ. ოზურგეთის საქალაქო საბჭოს თავმჯდომარე; 1973-1993წწ. მუშაობდა ოზურგეთის ელექტრული ქსელების დირექტორად. უშუალოდ ხელმძღვანელობდა ოზურგეთის ელექტრული ქსელების ტექნიკური გადაიარაღებისა და რეაბილიტაციის სამუშაოებს. 1994 წლიდან - სს "ბჟუჟა ჰესის" დირექტორი, შემდეგ, სამეთალყურეო საბჭოს თავმჯდომარე. 2006 წლიდან გარდაცვალებამდე - "საერთაშორისო ენერგეტიკული კორპორაციის" კონსულტანტი. მიღებული აქვს მთავრობის ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.320

• საქართველოს დამსახურებული ინჟინერი
• ღირსების ორდენი