ზაზა მჟავანაძე

დაბადების ადგილი: სოფელი ხარაულა, ქედის რაიონი.

დაამთავრა რუსეთის ფედერაციის ქ. კრასნოდარის კულტურის ინსტიტუტი ორგანიზატორ-მეთოდისტის სპეციალობით 1991 წელს.

მოცეკვავე-მსახიობად მუშაობდა ქ. ბათუმის ენვერ ხაბაზის სახელობის ანსამბლ "ბათუმსა" და ბათუმის შოთა რუსთაველის სახელობის პედაგოგიურ ინსტიტუტთან არსებულ ანსამბლში; 1993-1998წწ. ხელმძღვანელობდა ბათუმის შოთა რუსთაველის სახელობის №4 საშუალო სკოლასთან არსებულ ქორეოგრაფიულ ანსამბლ "შევარდენს"; ასევე მუშაობდა ბათუმის №20, ქობულეთისა და მაღალმთიანი აჭარის სხვადასხვა სკოლებში ქორეოგრაფად; ბათუმის კვლევითი ინსტიტუტის კულტურის სამსახურის ხელმძღვანელად; ბორჯომის კულტურის სამსახურთან არსებული ახალგაზრდული ანსამბლების ქორეოგრაფად; 2003 წლიდან მუშაობას იწყებს თბილისში საქართველოს მედიცინის მუშაკთა პროფკავშირების კულტურის ცენტრში დირექტორის მოადგილედ შემოქმედებით დარგში; ხელმძღვანელობდა ამავე ცენტრთან არსებულ ქორეოგრაფიულ ანსამბლს; მუშაობდა თბილისის 198-ე, 31-ე, 218-ე, 175-ე, მე-10  საჯარო სკოლებში ცეკვის სასწავლო წრეების ხელმძღვანელად; 2010 წელს გარდაბნის მუნიციპალიტეტის სოფელ კრწანისის  საჯარო სკოლის ბაზაზე აყალიბებს ბავშვთა ქორეოგრაფიულ ანსამბლს "კრწანისი"; 2011-2020წწ. მუშაობდა  საქართველოს ქორეოგრაფთა კავშირში საზოგადოებასთან ურთიერთობის სამსახურის მენეჯერად, 2020 წლიდან კი - კავშირის თავმჯდომარის მოადგილედ; 2013 წლიდან ხელმძღვანელობს თავის მიერვე დაარსებულ ქართული ქორეოგრაფიის ეროვნულ ცენტრს; გამოსცემდა ჟურნალებს: "მომავალი ჩვენია" და "მომავლის იმედი"; უძღვებოდა გაზეთ "საქართველოს ქორეოგრაფიის" გამოცემის საქმეს; ზ. მჟავანაძის ინიციატივით გამოიცა საცნობარო კრებული "ქართული ხალხური სიმღერისა და ცეკვის ოსტატები"; მისი ხელმძღვანელობით გაიხსნა არაერთი ქართველი ღვაწლმოსილი, დამსახურებული ხელოვანის მემორიალური დაფა; მან დააფუძნა ზაურ ლაზიშვილის სახელობის ხელოვნების ინსტიტუტი, სადაც არის სახასიათო ცეკვების პედაგოგი; ქართული ქორეოგრაფიული ხელოვნების განვითარების საქმეში გაწეული დიდი წვლილისა და დამსახურებისთვის მიღებული აქვს მსოფლიოს ხალხთა სხვადასხვა საერთაშორისო ფესტივალების ლაურეატის წოდებები; მინიჭებული აქვს "ხელოვნების მეცნიერებათა აკადემიის აკადემიკოსისა და ქართული ქორეოგრაფიის სახალხო მოღვაწის საპატიო წოდება"; მრავალი საქველმოქმედო ღონისძიების ორგანიზატორი, ქართული ქორეოგრაფიის ეროვნული ცენტრის დირექტორი.

• იუნესკოს ცეკვის საერთაშორისო საბჭო, საპატიო წევრი
• საპატრიარქოს ჩოხოსანთა საზოგადოება, წევრი
• სომხეთის ქორეოგრაფთა კავშირი, საპატიო წევრი
• ფაზისის საერო-სამეცნიერო აკადემია, ნამდვილი წევრი

• 2023 - სრულიად საქართველოს კათოლიკოს-პატრიარქის უწმინდესისა და უნეტარესის ილია მეორის სახელობის პრემია
• ქართული ქორეოგრაფიის ბრწყინვალების ორდენი (საქართველოს ქორეოგრაფთა კავშირი)
• ქართული ქორეოგრაფიის ამაგდარის ორდენი (საქართველოს ქორეოგრაფთა კავშირი)
• მედალი "კულტურის ამაგდარი" (ქ. თბილისის მერია)
• ქართული კულტურის დესპანის საპატიო წოდება

• ქართული ხალხური სიმღერისა და ცეკვის ოსტატები (თანაავტორი) // ნაწილი 1 / ამირან ბუთურიშვილი, ზაზა მჟავანაძე . - თბილისი, რეკლამა ნიუსი, 2011. - 420გვ.