ბიჭიკო ბერძენიშვილი

დაბადების ადგილი: ქ. ქუთაისი.

დაამთავრა თბილისის სამხატვრო აკადემია 1935 წელს.

სწავლის დამთავრებისთანავე  იგი იწყებს მუშაობას დამდგმელ მხატვრად კინოსტუდიაში და პედაგოგად სამხატვრო სასწავლებელში; 1936-1938წწ. აქტიურად მონაწილეობდა ქუთაისის მხატვართა კავშირის განყოფილების ჩამოყალიბების საქმეში; 1938 წლიდან ბრუნდება კინოსტუდიაში და დამდგმელ მხატვრად იწყებს მუშაობას; სამი ათეული წლის მანძილზე მის მიერ შექმნილია არაერთი დღეს ცნობილი მხატვრული, სამეცნიერო - პოპულარული და დოკუმენტური ქართული ფილმი, მათ შორის: "აკაკის აკვანი", "ოქროს ბილიკი"; 1969-1973წწ. იყო ი. ნიკოლაძის სახ. სამხატვრო სასწავლებლის დირექტორის მოადგილე; მონაწილეობდა რესპუბლიკურ და საკავშირო გამოფენებში. დაჯილდოებული იყო მთავრობის ჯილდოებით. ქართველი მხატვარი, გრაფიკოსი.

წყარო: დიმიტრი იოსების ძე ბერძენიშვილი : მხატვარი. 1912 - 1985. ნეკროლოგი // თბილისი. - თბ., 1985. - 21 მარტი.- გვ.4

• სკკპ, წევრი (1946-)
• სსრკ მხატვართა კავშირი, წევრი (1960-)