ოთარ ფერაძე

დაამთავრა საქართველოს ინდუსტრიული ინსტიტუტი, ინჟინერ-ელექტრიკოსის კვალიფიკაციით 1945 წელს.

1946 წელს დაიწყო მუშაობა ინსტიტუტ "თბილჰიდროპროექტში" და მონაწილეობდა ცალკეული ობიექტების დაპროექტებაში. 1974 წლიდან იყო "თბილჰიდროპროექტის" ელექტროტექნიკური განყოფილების უფროსი. 1968-1998წწ. ხელმძღვანელობდა ენგურჰესის, ვარციხეჰესის, ჟინვალჰესის კომპლექსური ჰიდროკვანძის და სხვა ობიექტების პროექტების ტექნიკური ნაწილის დამუშავებას. მისმა მოღვაწეობამ მნიშვნელოვანი წვლილი შეიტანა საქართველოს ჰიდროენერგორესურსების ათვისებასა და ჰიდროენერგეტიკის განვითარების საქმეში. მიღებული ჰქონდა საკავშირო და რესპუბლიკის მთავრობის ჯილდოები და სიგელები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.325

• საქართველოს დამსახურებული ინჟინერი