ილიკო მამულია

დაბადების ადგილი: სოფელი ფოცხო, ახლანდ. სენაკის მუნიციპალიტეტი.

დაამთავრა ხარკოვის უნივერსიტეტის სამედიცინო ფაკულტეტი 1915 წელს. 

1905 წლიდან იყო რუსეთის სოციალ-დემოკრატიული მუშათა (ბოლშევიკური) პარტიის წევრი. მონაწილეობდა რევოლუციურ მოძრაობაში ჯერ კიდევ ქუთაისის გიმნაზიაში სწავლის პერიოდში. პირველი მსოფლიო ომის წლებში გაწვეული იყო ჯარში, მსახურობდა ექიმად. დემობილიზაციის შემდეგ დაბრუნდა საქართველოს რესპუბლიკის ჯარში, საიდანაც მალე დაითხოვეს. 1921 წელს საქართველოს გასაბჭოების შემდეგ მსახურობდა ფოსტა-ტელეგრაფის კომისრად, შემდეგ სხვადასხვა დროს იყო თბილისის აღმასკომის ჯანმრთელობის განყოფილების გამგე, რესპუბლიკის ჯანდაცვის სახალხო კომისრის მოადგილე და საკურორტო სამმართველოს უფროსი. 1937 წლის რეპრესიების დროს დააპატიმრეს და "მემარჯვენე ორგანიზაციის" წევრობის ბრალდებით დახვრიტეს. რეაბილიტირებულია 1957 წელს. ქართველი ბოლშევიკი პოლიტიკოსი, ჯანმრთელობის დაცვის საქმის ორგანიზატორი, დერმატოლოგი, ვენეროლოგი.

წყარო: ...და რომ გახსოვდეს : 1921-1953 წ.წ. საბჭოთა ხელისუფლების მიერ საქართველოში პოლიტიკური მოტივით რეპრესირებული სამედიცინო მუშაკები / ავთანდილ ქურხული.- თბილისი, 2004. -გვ. 172

• მემარჯვენე ორგანიზაცია, წევრი
• საქართველოს სსრ მედმუშაკთა კავშირი, თავმჯდომარე
• წითელი ჯვრის საზოგადოება, თავმჯდომარე