ბიძინა ყიფიანი

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტის ენერგეტიკის ფაკულტეტი 1939 წელს.

1940-1945წწ. - ტყვარჩელის თბოელექტროსადგურის მორიგე ინჟინერი; 1945-1947წწ. - "საქენერგოს" ცენტრალური სადისპეტჩეროს დისპეტჩერი; 1948 წლიდან - ხრამჰეს-1 ელექტროსაამქროს უფროსი; 1954-1957წწ. - ელსადგურის მთავარი ინჟინერი; 1958-1964წწ. - დირექტორი; ამ პერიოდში ჰიდროელექტროსადგურში დაინერგა მრავალი ტექნიკური სიახლე, მათ შორის, ელსადგურის მართვის სრული ავტომატიზაცია და ტელემექანიზაცია; 1963 წელს მისი ხელმძღვანელობით განხორციელდა ხრამჰეს-2-ის ექსპლუატაციაში მიღება და ათვისება; 1964 წლიდან თბილისის დისპეტჩერული და ტექნოლოგიური მართვის საშუალებათა საქსელო საწარმოს უფროსი. მრავალი რაციონალიზატორული წინადადებისა და გამოგონების ავტორი. დაჯილდოებული იყო ორდენებით და მედლებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.357

• საქართველოს დამსახურებული ინჟინერი