თეიმურაზი ყიფიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიის ფაკულტეტი ინჟინერ-ელექტრიკოსის კვალიფიკაციით 1968 წელს.

1962 წლიდან მუშაობდა "საქმთავარენერგოს" ცენტრალურ ლაბორატორიაში მუშად, მონტიორად; 1968-1973წწ. - ასპირანტი; 1975 წლიდან - "საქმთავარენერგოში" სხვადასხვა დროს ინფორმაციის, იმედიანობის და პერსპექტიული განვითარების სამსახურების, საწარმოო-ტენიკური განყოფილების უფროსი, "მაღალი ძაბვების საქსელო საწარმოს" მთავარი ინჟინრის მოადგილე; 1983-1985წწ. - ამიერკავკასიის ენერგოსისტემების გაერთიანებული სადისპეტჩერო სამმართველოს ენერგეტიკული რეჟიმების სამსახურის უფროსი; 1985-1990წწ. - საქართველოს კომპარტიის ცკ ინსტრუქტორი, განყოფილების გამგის მოადგილე, სოციალურ-ეკონომიკური განყოფილების სექტორის უფროსი; 1990 წლიდან - სგ "საქენერგოს" გენერალური დირექტორის მოადგილე ეკონომიკის დარგში, დეპარტამენტ "საქენერგოს" თავმჯდომარის მოადგილე ეკონომიკის დარგში; 1994 წლიდან - საქართველოს მინისტრთა კაბინეტის მთავარი სახელმწიფო მრჩეველი, "თბილენერგოკომპანიის" ვიცე-პრეზიდენტი; 1994-1995წწ. - დეპარტამენტ "საქენერგოს" თავმჯდომარის მოადგილე; 1995 წელს მუშაობდა ფირმა "ჟინერში"; 1996 წლიდან - დეპარტამენტ "საქენერგოს" საგარეო-ეკონომიკურ ურთიერთობათა სამმართველოს უფროსი, სკ "საქენერგოს" გენერალური დირექტორის მოადგილე ეკონომიკის დარგში; 1997-2000წწ. - "საქართველოს ელექტროენერგიის საბითუმო ბაზრის" გენერალური დირექტორის მოადგილე-ეკონომიკის დირექციის დირექტორი; 2002-2004წწ. - შპს "აჭარის ენერგოკომპანიის" წარმომადგენელი ცენტრალურ ენერგეტიკულ უწყებებში; 2004-2005წწ. - შპს "საქართველოს სახელმწიფო ელექტროსისტემის" რეგულირების სამსახურის უფროსი; 2005-2007წწ. - სემეკი-ს აღმასრულებელი დირექტორი. 2006 წლიდან - სს "საქრუსენერგოს" ტექნიკური განყოფილების წამყვანი ინჟინერი. არის რამდენიმე რაციონალიზატორული წინადადების ავტორი, გამოქვეყნებული აქვს სტატიები ენერგეტიკის პრობლემებზე. 1997 წელს გამოსცა ინგლისურ-ქართულ-რუსული პოლიტექნიკური ლექსიკონი; 2005-2008წწ. - დიდი ენციკლოპედიური ცნობარი. 

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.357-358

• საქართველოს ენერგეტიკის აკადემია, აკადემიკოსი (1996-)

• English-Russian-Georgian energy terminology = Русско-англо-грузинская энергетическая терминология = ქართულ-ინგლისურ-რუსული ენერგეტიკული ტერმინოლოგია : 11000-მდე ტერმინი (ავტორი). - თბილისი, სტ. "დამანი", 2011. - 440გვ. . - ISBN: 9789941039362