ლეო შერვაშიძე

დაბადების ადგილი: ქ. პარიზი.

დაამთავრა თბილისის რკინიგზის სატრანსპორტო ინსტიტუტი 1945 წელს. 1948-1951წწ. იყო ქართული ხელოვნების ისტორიის ინსტიტუტის (ახლანდ. გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრი) ასპირანტი.

დაიბადა იმხანად პარიზში მცხოვრები აფხაზი თავადის ოჯახში 1910 წელს. 1951 წლიდან იყო ქართული ხელოვნების ისტორიის ინსტიტუტის თანამშრომელი. 1957-1974წწ. მუშაობდა საქართველოს მეცნიერებათა აკადემიის აფხაზეთის ენის, ლიტერატურის და ისტორიის ინსტიტუტში მეცნიერ-თანამშრომლად, არქეოლოგიის, ეთნოგრაფიის, ანთროპოლოგიისა და ხელოვნების განყოფილების გამგედ. მისი სამეცნიერო კვლევის სფერო იყო ანტიკური და შუა საუკუნეების სახვითი ხელოვნება - ხელნაწერთა შემკულობა, მონუმენტური მხატვრობის ძეგლები, ქართული და აფხაზური ხელოვნება. მრავალი წელი მიუძღვნა ძველი ქალაქების - დიოსკურიისა და სებასტოპოლისის ნაშთების შესწავლას, მ. შ., არქეოლოგიურ კვლევა-ძიებას შავ ზღვაში. მუშაობდა აფხაზი და ქართველი წარჩინებულ გვარების გერბების მოძიება-აღდგენის საკითხებზე, შარვაშიძეთა გენეალოგიაზე. თავადაც ხატავდა, გამოფენებში მონაწილეობდა 1932 წლიდან. იყო არაერთი წიგნის ილუსტრატორი. შერვაშიძის ნამუშევრები დაცულია ს. ჯანაშიას სახელობის სახელმწიფო მუზეუმში, სოხუმის დ. გულიას სახელობის მუზეუმში. ანდერძის თანახმად დაკრძალულია სოხუმში. ხელოვნების ისტორიკოსი. ხელოვნებათმცოდნეობის დოქტორი.

წყარო: გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრი: gch-centre.ge

• აფხაზეთის მეცნიერებათა აკადემია, აკადემიკოსი
• საქართველოს მხატვართა კავშირი, წევრი (1963-)

• 1983 - საქართველოს ხელოვნების დამსახურებული მოღვაწე
• 1961 - აფხაზეთის ხელოვნების დამსახურებული მოღვაწე

• К вопросу о средневековой грузинской советской миниатюре : (Миниатюры батальной тематики в Джручской псалтыри) (ავტორი). - Тбилиси, Мецниереба, 1964. - 160с.
• Об авторе миниатюр, иллюстрирующих рукопись 1646 года с текстом поэмы Шота Руставели "Витязь в тигровой шкуре" ("Вепхисткаосани") (ავტორი). - Тбилиси, АН Грузинской ССР, 1955. - 496с.