თამარ ყლატეიშვილი

დაამთავრა საქართველოს პოლიტექნიკური ინსტიტუტი ინჟინერ-ელექტრიკოსის კვალიფიკაციით 1975 წელს.

მუშაობა დაიწყო "საქმთავარენერგოს ენერგოზედამხედველობაში" ინჟინერ-ინსპექტორად. 1999 წლამდე მუშაობდა ამ ორგანიზაციაში ელექტროენერგიის განაწილებისა და კონტროლის განყოფილების უფროს ინჟინრად, განყოფილების უფროსის მოადგილედ, განყოფილების უფროსად. 1999 წლიდან - საქართველოს ელექტროენერგიის საბითუმო ბაზრის ელექტროენერგიის აღრიცხვისა და ანგარიშების განყოფილების მთავარი სპეციალისტი. გავლილი აქვს კვალიფიკაციის ასამაღლებელი კურსები: სსრკ ენერგეტიკისა და ელექტრიფიკაციის სამინისტროს საკავშირო ინსტიტუტში (ლენინგრადი, 1985 და 1987წწ.), თურქეთის რესპუბლიკაში ინტერნაციონალური საერთაშორისო კურსები (ქ. ანკარა, 2005 წელს). 2005 წლიდან - საქართველოს ენერგეტიკის მინისტრის მრჩველი ენერგეტიკული პოლიტიკის საკითხებში. დაჯილდოებულია ქების სიგელებით, ფულადი პრემიებით, სსრკ ენერგეტიკისა და ელექტრიფიკაციის სამინისტროს "დამკვრელის" მედლით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.359