
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ივერი შალამბერიძე

Date of birth:	14 January, 1947 (78 years)
Category:	Economist, Public official, Scientist, Educator, Financier

Biography

დაბადების ადგილი: მესტიის რაიონი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1970 წელს; ასპირანტურა სპეციალობით "მრეწველობის დაგეგმვა" - 1973 წელს.

მუშაობდა თბილისის სახელმწიფო უნივერსიტეტის მრეწველობის ეკონომიკის კათედრაზე ასისტენტად, უფროს მასწავლებლად; 1980 წლიდან - საქართველოს სახელმწიფო საგეგმო კომიტეტში ქვეგანყოფილების უფროსი, კრებსითი განყოფილების უფროსის მოადგილე, ფასებისა და ფინანსების განყოფილების უფროსი; 1990 წლიდან - საქართველოს ეკონომიკის მინისტრის მოადგილე და საბჭოთა კავშირის ფასების სახელმწიფო კომიტეტის კოლეგიის წევრი. კურირებას უწევდა ფასწარმოქმნის სახელმწიფო პოლიტიკის საბაზრო მოდელზე რეფორმირების, ფასებისა და ტარიფების ლიბერალიზაციისა და რეგულირების საკითხებს. 1995 წლიდან - სახელმწიფო დეპარტამენტ "საქენერგოს" თავმჯდომარის პირველი მოადგილე ფინანსების დარგში. მუშაობდა ქვეყნის ელექტროენერგეტიკული სექტორის რესტრუქტურიზაციის სახელმწიფო კომისიაში და წვლილი შექონდა სექტორში ძირეული საბაზრო რეფორმირების განხორციელების საქმეში. 1996 წლიდან - საქართველოს ენერგეტიკის მინისტრის მოადგილე ეკონომიკისა და ფინანსების დარგში. ეწეოდა ინტენსიურ მუშაობას დარგისათვის ინვესტიციებისა და გრანტების მოზიდვისა და ეფექტურად გამოყენების მიმართულებით საერთაშორისო სავალუტო ფონდთან, მსოფლიო ბანკთან და სხვა საერთაშორისო საფინანსო ორგანიზაციებთან. 1999 წლიდან - "ელექტროენერგიის საბითუმო ბაზრის" გენერალური დირექტორი; 2003 წლიდან - ენერგეტიკის მარეგულირებელი ეროვნული კომისიის ფასების დეპარტამენტის დირექტორი; 2007 წლიდან - შპს "სოკარ ჯორჯია გაზის" ფინანსური დირექტორი. არის საქართველოს ეკონომიკური დამოუკიდებლობის პირველი კონცეფციის და მონოგრაფიის, "საქართველოს ენერგეტიკული სტრატეგიის" ავტორთა კოლექტივის წევრი. აქვს სამეცნიერო-პედაგოგიური მუშაობის 30-წლიანი სტაჟი, გამოქვეყნებული აქვს რამდენიმე სამეცნიერო სტატია ეკონომიკისა და ენერგეტიკული სექტორის რეფორმირების საკითხებზე.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.362-363

Member of Organizations

საქართველოს ენერგეტიკის აკადემია, აკადემიკოსი

Bibliography

ელექტროენერგიის ტარიფების დადგენისა და რეგულირების მრავალვარიანტული მოდელი განუზღვრელობის პირობებში (Co-Author). - თბილისი, საქ. საინჟ. აკადემია, 2010. - 114გვ.. - ISBN: 9789941023613
სამრეწველო საწარმოთა და გაერთიანებათა საქმიანობის ორგანიზაცია, დაგეგმვა და მართვა : ლექციების კურსი. თემა: საწარმოსა და გაერთიანების მართვის შინაარსი, პრინციპები და მეთოდები (Author). - თბილისი, თბილ. უნ-ტის გამ-ბა, 1978. - 52გვ.