გიორგი შაშვიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი.

1964 წლიდან მუშაობდა "თბილგაზის" სამმართველოს რაიონულ საექსპლუატაციო კანტორაში რიგით თანამშრომლად, ოსტატად, 1972 წლიდან სამსახურის უფროსად; 1977 წლიდან - ცენტრალურ აპარატში "თბილგაზის" სამმართველოს გაზის აღრიცხვის და გაზმომარაგების სამსახურის უფროსის მოადგილე; 1981 წლიდან - სამსახურის უფროსი; 1986 წლიდან - გაზმომარაგების სამმართველოს მთავარი ინჟინერი; 1988 წლიდან - განყოფილების უფროსი; 1996 წლიდან - სს "თბილგაზის" სამეთვალყურეო საბჭოს თავმჯდომარე; 1999 წლიდან - "საქართველოს ნავთობისა და გაზის საერთაშორისო კორპორაციაში" გაზმომარაგების რეჟიმების დეპარტამენტის უფროსი. გაზის ტრანსპორტირების კომპანიის დაფუძნების შემდეგ, 2000 წლიდან - კომპანიის დეპარტამენტის უფროსი; 2002 წლიდან - ამავე კომპანიის გენერალური დირექტორის პირველი მოადგილე; 2005 წლიდან - გენერალური დირექტორი; 2005 წლიდან - "საქართველოს გაზის ტრანსპორტირების კომპანიაში" - გენერალური დირექტორი; 2008 წლიდან - კომპანიის საინჟინრო ტექნიკური უზრუნველყოფის დეპარტამენტის უფროსი. მიღებული აქვს სამთავრობო და საუწყებო ჯილდოები, მედლები, სიგელები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.366

• საქართველოს გაზის მრეწველობის საპატიო მუშაკი