ლია ბოკუჩავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ქიმიური ტექნოლოგიების ფაკუტეტი 1958 წელს; ასპირანტურა 1963 წელს.

1958 წლიდან მუშაობდა საქართველოს პოლიტექნიკური ინსტიტუტში ანალიზური ქიმიის კათედრაზე. მისი მონაწილეობით კათედრაზე შეიქმნა და დაინერგა ახალი ლაბორატორიული სამუშაოები, მისივე ავტორობით გამოიცა ანალიზური ქიმიის სახელმძღვანელო. 2000-2001წწ. პირველად საქართველოში სტუ-ში მიიღეს სტუდენტები ახალი სპეციალობის მიმართულებით "სამკურნალო კოსმეტიკური საშუალებების ტექნოლოგია", რისთვისაც ლ. ბოკუჩავამ მოამზადა და გამოსცა სახელმძღვანელოები; მისი კვლევის ძირითადი მეცნიერული  მიმართულება იყო საქართველოს ბუნებრივი რესურსების - მინერალური, მათ შორის თერმული წყლების, სამკურნალო ტალახების, ბენტონიტური თიხების, ცეოლიტების, მცენარეული და ცხოველური წარმოშობის ნივთიერებების შესწავლა სამკურნალო-პროფილაქტიკური და სხვა სამეურნეო დანიშნულების მიზნით. ლ. ბოკუჩავამ აღადგინა ძველი სამკურნალო საშუალებები  და შექმნა ახალი რეცეპტურა. 100-ზე მეტი სამეცნიერო შრომის (მათ შორის პატენტის) ავტორი. 1994-1995წწ. მიენიჭა წლის საერთაშორისო ქალის წოდება. ქიმიის მეცნიერებათა კანდიდატი (საკანდიტატო დისერტაცია დაიცვა 1965 წელს).

წყარო: ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.166-167

• საქართველოს საინჟინრო და ეკოლოგიური აკადემია, აკადემიკოსი (2000-)

• პარფიუმერიულ-კოსმეტიკური წარმოების ნედლეული : სახელმძღვანელო (თანაავტორი). - თბილისი, ტექ. უნ-ტი, 2007. - 231გვ.. - ISBN: 9789941140198
• ანალიზური ქიმიის კურსი : სახელმძღვანელო (ავტორი). - თბილისი, ტექ. უნ-ტი, 2005. - 204გვ.. - ISBN: 9994035827
• პარფიუმერიის და კოსმეტიკის საფუძვლები : სახელმძღვ. პარფ.-კოსმეტ. სპეც. სტუდ. (ავტორი). - თბილისი, ტექ. უნ-ტი, 2004. - 158გვ.. - ISBN: 9994035606