ხსარ გასიევი

დაბადების ადგილი: ქ. ცხინვალი.

დაამთავრა ცხინვალის სამხატვრო სასწავლებელი 1950 წელს; თბილისის სამხატვრო აკადემია 1957 წელს (ხელმძღვანელები - ვასილ შუხაევი და აპოლონ ქუთათელაძე). 

მშობლები რეპრესირებული იყვნენ 1938 წელს, მამა დაუხვრიტეს. 1957 წლიდან მონაწილეობდა სამხატვრო გამოფენებში. 1964 წელს ჩააბარა მოსკოვის სამხატვრო ინსტიტუტის ასპირანტურაში, თუმცა მეორე წელს თავი მიანება სწავლას. 1968 წელს ცხინვალში მოეწყო პირველი პერსონალური გამოფენა. მის შემოქმედებაში მეტყველ ფერწერულობასთან შერწყმულია გროტესკულ-მეტაფორული ელემენტები. მნიშვნელოვან ნამუშევართა შორისაა: "წყურვილი" (1961), "შუადღე" (1966), "ზღაპარი" (1972), "დღესასწაული" (1981), "მოსავლის ზეიმი" (1984), "შემოდგომა" (1988), ყველა მხატვრის კუთვნილება და სხვ. სამხრეთ ოსეთის სახალხო მხატვარი (2009). 

წყარო: საქართველო : ენციკლოპედია:ტომი 1, ა - გილდია.-თბ.,1997.-გვ.564

• სსრკ მხატვართა კავშირი, წევრი (1961-)

• 1980 - საქართველოს დამსახურებული მხატვარი