თამაზ გეგეჭკორი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-მექანიკოსის კვალიფიკაციით 1960 წელს და ასპირანტურა მანქანათმშენებლობის ტექნოლოგიის კათედრაზე 1967 წელს.

1960-1965წწ. მუშაობდა კიროვის სახელობის ჩარხმშენებელ ქარხანაში ინჟინერ-კონსტრუქტორად; 1979 წლიდან მუშაობდა საქართველოს პოლიტექნიკური ინსტიტუტის მანქანათმშენებლობის ტექნოლოგიის კათედრაზე დოცენტად, ხოლო 2001 წელს მიენიჭა პროფესორის წოდება; 2009 წელს მანქანათმშენებლობის ტექნოლოგიის კათედრაზე პროფესორ გ. ბოკუჩავასთან ერთად ჩამოაყალიბა ოპტიმიზაციის სამეცნიერო კვლევითი ლაბორატორია, სადაც აღზარდა არაერთი ახალგაზრდა სპეციალისტი; 1980-1983წწ. მოღვაწეობდა ალჟირის სახალხო რესპუბლიკაში, ხოლო 1993-1997წწ. - ჩინეთის სახალხო რესპუბლიკის ქ. სიანანში, სადაც პოლიტექნიკურ ინსტიტუტში კითხულობდა სალექციო კურსს მანქანათმშენებლობის ტექნოლოგიის შესახებ, ასევე ხელმძღვანელობდა სპეციალისტების სამეცნიერო სამუშაოებს. მას ეკუთვნის სამოცზე მეტი სამეცნიეო ნაშრომი ქართულ, რუსულ და ინგლისურ ენებზე, რომელთა შორის ექვსი სახელმძღვანელოა. ტექნიკის მეცნიერებათა კანდიდატი (1975), ტექნიკის მეცნიერებათა დოქტორი (1998), პროფესორი.

წყარო: ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.170

• 2009 - გიორგი ნიკოლაძის სახელობის მედალი

• მანქანათსაშენი წარმოების ტექნოლოგიური პროცესების კომპიუტერული დაპროექტება : სახელმძღვანელო (თანაავტორი). - თბილისი, ტექ. უნ-ტი, 2005. - 133გვ.. - ISBN: 9994035924
• მონაცემთა ბაზები ტექნოლოგიურ გადასვლათა შერჩევისა და ნამეტების დასადგენად : დამხმარე სახელმძღვანელო (ავტორი). - თბილისი, ტექ. უნ-ტი, 1998. - 46გვ.
• სადიპლომო პროექტირება მანქანათმშენებლობის ტექნოლოგიაში : სახელმძღვანელო (ავტორი). - თბილისი, წიგნის ფაბრიკა, 1992. - 234გვ.
• მილებზე ზოლურების დასამუშავებელი ავტომატური დანადგარი (თანაავტორი). - თბილისი, 1979. - 5გვ.