დოდო ჩიკვაშვილი

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1974 წელს.

მუშაობდა ი. ბერიტაშვილის სახელობის ფიზიოლოგიის ინსტიტუტში მემბრანოლოგიის ლაბორატორიაში უმცროს მეცნიერ-თანამშრომლად. 1985 წელს დაიცვა საკვალიფიკაციო დისერტაცია თემაზე: "მაიონიზირებელი დასხივების გავლენა თავის ტვინის მემბრანულ ცილებზე". 1992 წელს საცხოვრებლად გადავიდა ისრაელში, ამავე წელს მუშაობა დაიწყო თელ-ავივის უნივერსიტეტის სამედიცინო ფაკულტეტზე ფარმაკოლოგიისა და ფიზიოლოგიის კათედრაზე, სადაც სამეცნიერო-კვლევით მუშაობას. მისი ნაშრომები წარმოდგენილია და მოხსენებულია მრავალ საერთაშორისო სამეცნიერო ფორუმებზე, გამოქვეყნებულია სხვადასხვა პერიოდულ გამოცემებში. ისრაელში ამოსვლისთანავე აქტიურად მონაწილეობდა საზოგადოებრივ ცხოვრებაში, ხელს უწყობდა ებრაული თემის ინტელიგენციის კონსოლიდაციას, და სხვადასხვა პროექტების განხორციელებას, არჩეული იყო საქართველოს ებრაელთა მსოფლიო კონგრესის მეცნიერების კომისიის თავმჯდომარის მოადგილედ, სემკ-ის ვებ-საიტის შექმნის საორგანიზაციო კომიტეტის წევრად, მონაწილეობდა მასალების შეგროვებასა და წარმოჩენაში. 2014 წლის 1 იანვარს მიენიჭა პროფესორის წოდება. ბიოქიმიკოსი თელ-ავივის უნივერსიტეტის სამედიცინო ფაკულტეტის მეცნიერებათა დოქტორი, 40 სამეცნიერო ნაშრომის ავტორი.

წყარო: საქართველოს ებრაელთა მსოფლიო კონგრესი: georgianjews.org

• საქართველოს ეკოლოგიურ მეცნიერებათა აკადემია, აკადემიკოსი

• საქართველო და ისრაელი: წარსულიდან მომავლისკენ - მეცნიერული და კულტურული კვლევის პერსპექტივები = Georgia and Israel: From the Past to the Future - Perspectives of Scienftific and General Researches : საქართველო-ისრაელის დიპლომატიური ურთიერთობების 30 წლისთავისადმი მიძღვნილი საერთაშორისო კონფერენცია, თბილისი, 19.10.2022 - 20.10.2022 : თეზისები (ავტორი). - თბილისი, 2022. - 82გვ.