ნოდარ ჩიხლაძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტი ინჟინერ-თბოენერგეტიკოსის კვალიფიკაციით 1960 წელს.

1960-1961წწ. მუშაობდა "სახპროექტში" სპეციალური სამუშაოების განყოფილების ინჟინრად; 1962-1965წწ. - ტრესტ "საქჰიდროენერგომშენის" უფროსი ინჟინერი; 1965-1968წწ. - ასპირანტი, ტექნიკურ მეცნიერებათა კანდიდატი (1969). 1968-1970წწ. - საქართველოს ენერგეტიკის ინსტიტუტის უფროსი ინჟინერი, უფროსი მეცნიერ-თანამშრომელი; 1971-1981წწ. - ენერგეტიკისა და ჰიდროტექნიკურ ნაგებობათა საქართველოს სამეცნიერო-კვლევითი ინსტიტუტის უფროსი მეცნიერ-თანამშრომელი; 1982 წლიდან - ამავე ინსტიტუტის სამრეწველო თბოენერგეტიკის სექტორის გამგე; 1996-2002წწ. - ინსტიტუტის სამეცნიერო-ტექნიკური განყოფილების გამგე; 1995-2003წწ. - "საქმთავარენერგოს" ტექნიკური სამმართველოს უფროსის მოადგილე; 2003-2006წწ. - საქართველოს ენერგეტიკის მარეგულირებელი ეროვნული კომისიის აღმასრულებელი დირექტორი, ბუნებრივი გაზის დეპარტამენტის ტექნიკური სამმართველოს უფროსი. არის 60 სამეცნიერო სტატიისა და 50 სამეცნიერო-ტექნიკური ანგარიშის ავტორი, კაპიტალური ნაშრომის "საქართველოს ელექტროენერგეტიკის ისტორია" თანაავტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.386

• საქართველოს ელექტროენერგეტიკის ისტორია (თანაავტორი). - თბილისი, 1998. - 635გვ.