ჯუმბერ ჩიხლაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი სპეციალობით "ნავთობისა და გაზის ჭაბურღილების ბურღვა" 1956 წელს.

1956-1964წწ. მუშაობდა ტრესტ "საქნახშირმადნეულში" სხვადასხვა თანამდებობებზე: ცვლის ოსტატი, უფროსი ოსტატი, ჯგუფის უფროსი, მთავარი ინჟინერი, გეოლოგიური საძიებო პარტიის უფროსი; 1964-1971წწ. - "საქგეოლოგიის" მენჯის ჰიდროგეოლოგიური პარტიის მთავარი ინჟინერი და თბილისის გაზსაძიებო ექსპედიციის ჭაბურღილების გამოცდისა და ათვისების სამსახურის უფროსი; 1972-1974წწ. იმყოფებოდა მივლინებით კუბის რესპუბლიკაში; 1974 წლიდან - ტრესტ "საქნავთობის" დედოფლისწყაროს ბურღვის კანტორის მთავარი ინჟინერი; 1975 წლიდან - "საქნავთობის" საძიებო ჭაბურღილების ათვისების კანტორის დირექტორი; 1987 წლიდან - "საქნავთობის" საწარმოო-ტექნიკური მომსახურების, მოწყობილობის კომპლექტაციის სამმართველოს ბაზის უფროსი; 1988 წლიდან - სატამპონაჟო სამმართველოს უფროსი; 2008-2009წწ. - სატამპონაჟო სერვისის სპეციალისტი. 1985 წელს დააჯილდოეს საკავშირო ნავთობის და გაზის სამინისტროს საპატიო სიგელით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.386-387

• 2001 - საქართველოს ნავთობისა და გაზის მრეწველობის საპატიო მუშაკი
• 1990 - საქართველოს მრეწველობის დამსახურებული მუშაკი
• 1984 - შრომის ვეტერანი