მიხეილ კრიხელი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მექანიკის ფაკულტეტი.

მუშაობდა ქუთაისის ავტოქარხანაში. 1956 წლიდან კი  ჯერ თბილისის საპროექტო-ტექნოლოგიურ ინსტიტუტში, შემდეგ საქართველოს ადგილობრივი მრეწველობის საპროექტო ბიუროში. იყო საქართველოს ახალგაზრდული ნაკრების და ქუთაისის "ტორპედოს" მოთამაშე. 1972 წელს  საცხოვრებლად გადავიდა ისრაელში. ივრითის შესწავლის შემდეგ მუშაობა დაიწყო სამხედრო მრეწველობის ქარხანაში, იყო  ტექნოლოგიური განყოფილების უფროსი,  დანერგა არაერთი ტექნოლოგიური სიახლე. მიხეილ კრიხელი ეწეოდა აქტიურ საზოგადოებრივ ცხოვრებას. განსაკუთრებულ გულისხმიერებას იჩენდა ახალ ჩამოსულების მიმართ აბსორბციის გასაადვილებლად. იყო "სოხნუთის" წარმომადგენელი საქართველოში. 50 წლის ასაკში ხელი მოჰკიდა ჭედურობას და შექმნა ხელოვნების ნიმუშები. მონაწილეობა მიიღო მრავალ გამოფენაში.

წყარო: საქართველოს ებრაელთა მსოფლიო კონგრესი: georgianjews.org; საქართველო ჩემი გამზრდელია, ისრაელი კი - დედა-სამშობლო : ინტერვიუ / მ. კრიხელი ; მენორა. თბილისი, 2001. 15-28 თებერვალი. - N4. - გვ.2

• თბილისის საპატიო მოქალაქე
• ისრაელის საზოგადოება "თბილისი"
  საპატიო წევრი

• ჩემი ერუშალაიმი ჩემი თბილისი : ჭედურობა, ჩანახატები (ავტორი). - თბილისი, 1991. - 200გვ.