ნათელა ქუთათელაძე

დაბადების ადგილი: ქ. ქუთაისი.

დაამთავრა საქართველოს საინჟინრო-სამშენებლო ინსტიტუტი 1932 წელს.

1933 წლიდან მუშაობდა "კვებპროექტში", "ახალმშენის" სამშენებლო ტრესტის სამუშაოთა მწარმოებლად, "თბილმშენის" სამშენებლო ტრესტის კანტორის უფროსად; სამამულო ომამდე იყო თბილისის საავაციო ქარხნის მშენენებლობის თავდაპირველად სამშენებლო უბნის უფროსი, შემდეგ კი - საწარმო-ტექნოლოგიური განყოფილების ხელმძღვანელი; 1944-1947წწ. მუშაობდა თბილისის სტალინის სახელობის რაისაბჭოს აღმასკომის თავმჯდომარედ; 1951-1952წწ. მსუბუქი მრეწველობის მინისტრის მოდგილე მშენებლობის დარგში; თბილისის პარტიის საქალაქო კომიტეტში ხელმძღვანელობდა მშენებლობასა და საქალაქო მეურნეობის განყოფილებას; 1953-1958წწ. იყო თბილისის მშრომელთა დეპუტატების საქალაქო საბჭოს აღმასკომის თავმჯდომარის მოადგილე, 1958 წლიდან - საქართველოს მშენებლობის სახელმწიფო კომიტეტის თავმჯდომარის პირველი მოადგილე. ის იყო პირველი ქართველი ინჟინერ - მშენებელი ქალი. მიღებული აქვს სახელმწიფო ჯილდოები, მათ შორის სსრ კავშირის მინისტრთა საბჭოს პრემია (1982).

წყარო: ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.222-224

• 1995 - ღირსების ორდენი
• 1987 - საქართველოს სახელმწიფო პრემია (მეცნიერებისა და ტექნიკის დარგში)
• საქართველოს დამსახურებული ინჟინერი