მამუკა გიორგაძე

დაბადების ადგილი: ქ. თბილისი.

დაამთავრა თბილისის პოლიტექნიკური ინსტიტუტი 1988 წელს.

1996 წლიდან მოღვაწეობის გარკვეული ნაწილი ჟურნალისტიკამ დაიკავა; 1996-2005წწ. ჟუნრალისტად მუშაობდა გაზეთებში: "ალია", "კვირის პალიტრა", "ჯორჯიან თაიმსი", "ახალი ერა", ჟურნალი "გზა"; 2000-2021წწ. ჟურნალ "44-ე პარალელის" მთავარი რედაქტორია; 2012-2015წწ. ჟურნალ "სამრეკლოს" გამომცემელი და მთავარი რედაქტორია; პარალელურად ეწევა მხატვრობას. გიორგაძის ბიძის, საქართველოს დამსახურებული მხატვრის, სპარტაკ ცინცაძის სახელოსნოში გატარებულმა ბევრმა წელმა უკვალოდ არ ჩაიარა და 2010 წლიდან ინტენსიურად შეუდგა მხატვრობას; თვითნასწავლი, ნიჭიერი მხატვრის ფერწერული ნამუშევრები დაცულია კერძო კოლექციებში (თბილისი, მოსკოვი, ესპანეთი, გერმანია). 2011 წელს გაიმართა მხატვრის პერსონალური გამოფენა გალერეა "ვეტრო ვარიოში". მოქმედი მხატვარი და ლიტერატურული ტექსტების მწერალი.

წყარო: ონლაინ სამხატვრო გალერეა: gemarket.art