ნუგზარ ნათენაძე

დაამთავრა თბილისის სახელმწიფო სამხატვრო აკადემია 2005 წელს.

1990-იანი წლებიდან აქტიურად მონაწილეობს პროექტებსა და ჯგუფურ გამოფენებში, თბილისში იმართება მისი პერსონალური გამოფენები. 1999-2003წწ. "ძველ გალერეაში" ეწყობა მისი ნამუშევრების ექსპოზიციები. გალერეა "ვანდაში" (2004), გალერეა "ვერნისაჟსა" (2005) და გალერეა "გამრეკელში" (2006) მნახველმა იხილა მისი ძველი და ახალი შემოქმედება. ნუგზარ ნათენაძე, ძირითადად, მუშაობს ზეთის ტექნიკით. უკლებლივ მის ყველა ნამუშევარში იკვეთება ფერებისა და ფორმების შემოქმედებითი ძიების მისეული ხელწერა. ცხოვრობს და მუშაობს რუსთავში.

წყარო: ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 178-179;  ახალი და უახლესი ქართული ვიზუალური ხელოვნების პორტალი: art.gov.ge