თემურ ჭინჭარაული

დაამთავრა საქართველოს პოლიტექნიკური ინსტიტუტი 1967 წელს.

1967-1971წწ. მუშაობდა საკავშირო ინსტიტუტ "ჰიდროპროექტის" თბილისის განყოფილებაში ინჟინრად; 1971-1975წწ. - ასპირანტი. ტექნიკურ მეცნიერებათა კანდიდატი (1975). 1975-1977წწ. - საქართველოს პოლიტექნიკური ინსტიტუტის დოცენტი, საინსტრუქტორო ბიუროს ხელმძღვანელი; 1977-1997წწ. - თბილისის მერიის სტრუქტურა; 1997-1998წწ. - მუნიციპალური საწარმო "თელასის" გენერალური დირექტორი; 1998-1999წწ. - მუნიციპალიტეტის მთავარი მრჩეველი ენერგეტიკის საკითხებში; 1999-2003წწ. - თბილისის მერიის ენერგეტიკის საქალაქო სამსახურის ხელმძღვანელი. მისი სამეცნიერო მოღვაწეობის სფეროს წარმოადგენს მიწისქვეშა ჰიდროტექნიკურ ნაგებობათა და კონსტრუქციების დაძაბულ-დეფორმირებული მდგომარეობის კვლევა გარემომცველი არეს გათვალისწინებით. მისი მონაწილეობით განხორციელდა ენგურჰესის მიწისქვეშა სამანქანო დარბაზის ქვაბულის დაძაბულ-დეფორმირებული მდგომარეობის გამოკვლევა. აღნიშნული კვლევები დაედო საფუძვლად ენგურჰესის მიწისქვეშა სამანქანო დარბაზის გამაგრება-მოპირკეთების კონსტრუქციების ოპტიმიზაციას. მისი მონაწილეობით შესრულდა ტვიშის ჰესის გრავიტაციული კაშხლის ფუძის ფილტრაციული გაანგარიშებები. 1999 წლიდან - სს "თელასის" სამეთვალყურეო საბჭოს წევრი. 2006 წელს აირჩიეს საქართველოს ტექნიკური უნივერსიტეტის პროფესორად.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.417

• საქართველოს ენერგეტიკის ეროვნული აკადემია, აკადემიკოსი (2007-)