კუკური ჭოხონელიძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის ელექტროტექნიკური ფაკულტეტი, სპეციალობით ელექტროსადგურები, ქსელები და სისტემები 1956 წელს.

მუშაობა დაიწყო ტყვარჩელსრესში, შემდეგ რიონჰესში მორიგე ინჟინრად; 1957-1960წწ. - საპროექტო ინსტიტუტ "ენერგოქსელპროექტის" ელ. გადამცემი ხაზების განყოფილების ინჟინერი; 1960-1962წწ. - "საქსახქალაქპროექტის" ბათუმის ფილიალში ელ. ტექნიკური განყოფილების უფროსი ინჟინერი; 1962-1966წწ. - ინსტიტუტ "საქენერგოპროექტში" ელ. გადამცემი ხაზების განყოფილებაში უფროსი ინჟინერი, მონაწილეობს 35-110კვ ძაბვის ელ. გადამცემი ხაზების პროექტირებაში; 1966-1975წწ. - საპროექტო ინსტიტუტ "საქსახსოფელპროექტის" ელ. ტექნიკური განყოფილების უფროსი. მისი უშუალო მონაწილეობით და ხელმძღვანელობით დამუშავდა სოფლის მეურნეობის მრავალი ობიექტის ელექტრომომარაგებისა და ავტომატიზაციის პროექტი. 1975-1983წწ. - "საქმთავარენერგოს" ენერგოგასაღების საწარმოო-ტექნიკური განყოფილების უფროსი, დირექტორის მოადგილე; 1983-1984წწ. - საპროექტო ინსტიტუტ "ენერგოქსელპროექტში" 500 კვ ელ. გადამცემი ხაზის აზსრესი-მუხრანის ველის პროექტის მთავარი ინჟინერი; 1984-1994წწ. - "საქსახსოფლპროექტში" ტექნიკური განყოფილების უფროსი; 1994 წელს - საქართველოს ჰიდრომეტცენტრში სეტყვასთან ბრძოლის სამმართველოს განყოფილებაში მთავარი ენერგეტიკოსი. დაჯილდოებულია მრავალი სიგელითა და მედლით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.422