მიხეილ ხარატიშვილი

დაბადების ადგილი: ყვარელის რაიონი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი სამთო ინჟინრის კვალიფიკაციით 1948 წელს.

1948 წლიდან მუშაობდა რუსეთში, ქ. კრასნოდონის გეოლოგიურ-საძიებო პარტიის უბნის გეოლოგად, უფროს გეოლოგად, მთავარ ინჟინრად; 1952 წლიდან - მაგადანის ოლქის ქ. პევეკში "შორმშენის" ექსპედიციის უფროსი; 1955 წლიდან ვოროშილოვგრადის ოლქის ქ. დოლჟანკაში გეოლოგიურ-საძიებო პარტიის მთავარი ინჟინერი; 1957-1959წწ. ტრესტ "საქნახშირძიების" ტყიბულ-გელათის გეოლოგიურ-საძიებო პარტიის უფროსი; 1959 წლიდან ამავე ტრესტის ნორიო-მარტყოფის გეოლოგიურ-საძიებო პარტიის მთავარი ინჟინერი; 1961 წლიდან კავთისხევის გეოლოგიურ-საძიებო პარტიის უფროსი; 1963 წლიდან ტრესტ "საქნახშირძიების" მომარაგების უფროსი; 1967 წლიდან "საქგეოლოგიის" თბილისის გაზძიების ექსპედიციის უფროსის მოადგილე; 1972 წლიდან "საქნავთობის" გეოლოგიურ-საძიებო კანტორის დირექტორი; 1974 წლიდან გარდაცვალებამდე "საქნავთობის" გენერლური დირექტორის მოადგილე.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.429

• 1983 - საქართველოს დამსახურებული ინჟინერი
• 1975 - საქართველოს დამსახურებული გეოლოგი