გიორგი გუგუშვილი

დაამთავრა თბილისის სამხატვრო აკადემიის გრაფიკის ფაკულტეტი 1986 წელს.

1985-1986წწ. იყო ფოთის სახელმწიფო თეატრის მთავარი მხატვარი; გაფორმებული აქვს სპექტაკლები: "კოლხეთის დაბლობი", "სამანიშვილის დედინაცვალი", "თეთრი ბაირაღები"; 1991-1993წწ. სატელევიზიო გადაცემების დამდგმელი მხატვარი იყო; 2007–2012წწ. კი თბილისის სამხატვრო აკადემიაში საზოგადოებასთან ურთიერთობის სამსახურის, პროექტებისა და საგამოფენო დარბაზ "აკადემია HALL"-ის კურატორი; მიწვეული იყო ფესტივალებისა და დიზაინერული შოუების გასაფორმებლად (დამდგმელ მხატვრად), რომელთა შორისაა: "Kent Fashion Show" (1995 ), "Sisley - Benetton – Polo" (1995 ), "ART UNDERGROUND - ტერორიზმის წინააღმდეგ" (2005). მხატვრის ნამუშევრები გამოირჩევა ლაკონურობით, ექსპრესიულობითა და მონუმენტურობით.

წყარო: ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 114-115