რობერტ ხაჩატურიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ჰიდროტექნიკოსის კვალიფიკაციით 1953 წელს.

1953-1954წწ. მუშაობდა სომხეთის მეცნიერებათა აკადემიის ენერგეტიკის ინსტიტუტში; 1955-1957წწ. - სწავლობდა ამავე ინსტიტუტის ასპირანტურაში. ასპირანტურის დამთავრების შემდეგ, მუშობდა ამავე ინსტიტუტის უფროსი ლაბორანტის, უმცროსი მეცნიერ-თანამშრომლის, უფროსი მეცნიერ-თანამშრომლის თანამდებობებზე; 1959 წლიდან - საქართველოს მეცნიერებათა აკადემიის ენერგეტიკის ინსტიტუტი, უფროსი ინჟინერი, უფროსი მეცნიერ-თანამშრომელი. ტექნიკურ მეცნიერებათა კანდიდატი (1962); 1963-1965წწ. - უფროსი მეცნიერ-თანამშრომელი; 1965 წლიდან - ენერგეტიკის ინსტიტუტის სათბობ-ენერგეტიკის ბალანსის სექტორის გამგე; 1986 წლიდან ხელმძღვანელობდა საქართველოს ენერგეტიკისა და ენერგეტიკულ ნაგებობათა სამეცნიერო-კვლევითი ინსტიტუტის განყოფილებას. მისი სამეცნიერო მოღვაწეობის მთავარი მიმართულებებია, საქართველოს ენერგეტიკული კრიზისიდან გამოყვანის საერთო პრობლემები, საბაზრო ეკონომიკის პირობებისთვის ელექტროენერგიაზე ტარიფების ფორმირების მეთოდიკის შემუშავება, საქართველოს ენერგომომხმარებლის ოპტიმალური დაგეგმვა უახლოესი და შორეული პერსპექტივისათვის, სათბობ-ენერგეტიკული კომპლექსების ოპტიმალური განვითარების მათემატიკური მოდელის დამუშავება. ავტორია 130 სამეცნიერო შრომისა. მიღებული აქვს სახელმწიფო ჯილდოები. ტექნიკურ მეცნიერებათა დოქტორი (1978), პროფესორი (1983).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.429-430

• საქართველოს ენერგეტიკის აკადემია, აკადემიკოსი (1994-)

• საქართველოს საპატიო ენერგეტიკოსი
• ღირსების ორდენი

• Использование нетрадиционных возобновляемых источников в Грузинской ССР (Co-Author). - Тбилиси, Мецниереба, 1989. - 247с.