შადური შუკვანი

დაბადების ადგილი: სოფელი ლენჯერი, ახლანდელი მესტიის მუნიციპალიტეტი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1967 წელს; ასპირანტურა 1972 წელს.

1968 წელს გაიწვიეს სავალდებულო სამხედრო სამსახურში; 1970 წელს მუშაობა დაიწყო საქართველოს კულტურის სამინისტროს მესტიის მხარეთმცოდნეობის მუზეუმში უფროსი მეცნიერ-მუშაკის თანამდებობაზე; 1973 წელს მესტიის მხარეთმცოდნეობის მუზეუმის საქართველოს მეცნიერებათა აკადემიის სისტემაში გადასვლასთან დაკავშირებით იგი დაინიშნა აკად. ს. ჯანაშიას სახელობის საქართველოს სახელმწიფო მუზეუმის ფილიალის - სვანეთის ისტორიულ-ეთნოგრაფიულ მუზეუმში უმცროს მეცნიერ თანამშრომლად; 1977 წლიდან მუშაობდა ფონდების მთავარი მცველის თანამდებობაზე; 1978 წელს იგი მუზეუმის სწავლულ მდივნად დანიშნეს; 1984 წლიდან ექვსი წელი სამუზეუმო ფასეულობათა აღრიცხვა-დაცვის განყოფილებას ხელმძღვანელობდა; 1973-1989წწ. საზოგადოებრივ საწყისებზე მუშაობდა საქართველოს საისტორიო საზოგადოების მესტიის განყოფილების თავმჯდომარედ; 1976-1986წწ. კულტურის ძეგლთა დაცვის მესტიის ორგანიზაციის ინსპექტორი იყო; 1995 წელს მუშაობა დაიწყო გარდაბნის მხარეთმცოდნეობის მუზეუმში; 1999 წელს დაინიშნა გარდაბნის მუნიციპალიტეტის მხარეთმცოდნეობის მუზეუმის ცენტრის დირექტორად. არის ავტორი მრავალი სამეცნიერო ნაშრომისა, რომლებიც გამოქვეყნებულია სხვადასხვა დროს ჟურნალ-გაზეთებში.დაჯილდოებულია საქართველოს სსრ უმაღლესი საბჭოს სიგელით (1986).

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.414