მიხეილ ხახალეიშვილი

დაამთავრა საქართველოს პოლიტექნიკური ინსტიტუტი ინჟინერ-მექანიკოსის კვალიფიკაციით 1960 წელს.

1960-1962წწ. მუშაობდა ქ. მურმანსკში; 1962 წლიდან - ტრესტ "კავკასელექტროქსელმშენის" ლითონ-კონსტრუქციების ქარხანაში მექანიკოსად, საამქროს უფროსად; 1972-1977წწ. - ტრესტის საწარმოო-ტექნიკური კომპლექტაციის განყოფილების უფროსად, N1 მექანიზებული კოლონის უფროსის მოადგილედ. მონაწილეობდა კრასნოდარის მხარეში მრავალი ენერგეტიკული ობიექტების მშენებლობაში. მისი ხელმძღვანელობით, განსაზღვრულ ვადებში შესრულდა ენგური-ცენტრალნაია-სტავროპოლის 500 კვ. ელექტროგადამცემი ხაზის სამშენებლო სამუშაოები; 1982 წლიდან იყო ტრესტ "კავკასელექტროქსელმშენის" მმართველის მოადგილე; 1985 წლიდან გარდაცვალებამდე - "საქქვესადგურმშენის", N54 მექანიზებული კოლონის დირექტორის მოადგილე. მონაწილეობდა სამშენებლო პროექტების დამუშავებაში. იყო მრავალი რაციონალიზატორული წინადადების ავტორი, რომლებიც ძირითადად შეტანილი იყო სამუშაო პროექტებში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.431

• საკავშირო სამეცნიერო-ტექნიკური საზოგადოება, წევრი