სერგო ხოსროშვილი

დაბადების ადგილი: წითელწყარო.

დაამთავრა ამიერკავკასიის გეოლოგიური საძიებო ტექნიკუმი 1932 წელს; ქ. გროზნოს ნავთობის ინსტიტუტი 1937 წელს და მიენიჭა სამთო ინჟინრის კვალიფიკაცია.

1937 წლიდან - ტრესტ "ვოროშილოვნავთობის" ჭაბურღილის უფროსი; 1941-1945წწ. მონაწილეობდა მეორე მსოფლიო ომში; 1946-1949წწ. - "საქნავთობის" სისტემაში სხვადასხვა ხელმძღვანელი თანამდებობები; 1949-1966წწ. - პარტიული სამუშაო. წლების განმავლობაში იყო წითლწყაროს რაიკომის მრეწველობისა და ტრანსპორტის განყოფილების გამგე; პარტიის რაიკომის მეორე და პირველი მდივანი; სიღნაღის ზონალური საკოლმეურნეო საწარმოს სამმართველოს პარტკომი; საქართველოს კომპარტიის ცენტრალური კომიტეტის პარტიული ორგანოების განყოფილების გამგე; 1966-1973წწ. - ტრესტ "საქნავთობის" მმართველი. მიღებული აქვს სახელმწიფო ჯილდოები, მათ შორის: მედალი "დიდ სამამულო ომში გამარჯვების 25 წლისთავთან დაკავშირებით", მედალი "პრაღის განთავისუფლებისათვის", დიდ სამამულო ომში ბრძოლების წარმატებული ხელმძღვანელობისთვის მიღებული ჰქონდა უმაღლესი მთავარსარდლის 15 მადლობა.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.439

• მედალი "კავკასიის დაცვისთვის"
• წითელი ვარსკვლავის ორდენი
• სამამულო ომის II ხარისხის ორდენი
• სამამულო ომის I ხარისხის ორდენი
• შრომის წითელი დროშის ორდენი