მარინა ჩხარტიშვილი

დაბადების ადგილი: ქ. ბათუმი.

დაამთავრა ა. ს. პუშკინის სახელობის თბილისის სახელმწიფო პედაგოგიური ინსტიტუტი ქიმია-ბიოლოგიის სპეციალობით 1981 წელს; თბილისის ი. ჭავჭავაძის სახელობის სახელმწიფო უნივერსიტეტის მაგისტრატურის სრული კურსი 2007 წელს; 2002 წელს მიენიჭა პედაგოგიურ მეცნიერებათა კანდიდატის აკადემიური ხარისხი.

1986-1997წწ. მუშობდა თბილისის N108 საშუალო პროფესიული ტექნიკუმის პედაგოგად, სასწავლო ნაწილის გამგედ; 1997-2005წწ. თბილისის სულხან საბა ორბელიანის სახელობის სახელმწიფო პედაგოგიური უნივერსიტეტის დოცენტი, საბუნებისმეტყველო ფაკულტეტის დეკანის მოადგილე; 2006-2015წწ. ილიას სახელმწიფო უნივერსიტეტის მეცნიერებათა და ხელოვნების ფაკულტეტის მოწვეული პროფესორი; 2009-2010წწ. თბილისის დავით აღმაშენებლის სახელობის უნივერსიტეტის მოწვეული პროფესორი; 2011 წლიდან საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტის მოწვეული პროფესორი; 2022 წლიდან მუშაობს საქართველოს პარლამენტის ეროვნულ ბიბლიოთეკაში; მ. ჩხარტიშვილის ძირითადი სასწავლო დისციპლინები და კვლევის მიმართულებებია: სწავლების თანამედროვე მეთოდები, ეკოლოგიის შესავალი, ეკოლოგია და ტურიზმი; მონაწილეობს ადგილობრივ და საერთაშორისო სამეცნიერო სიმპოზიუმებსა და კონფერენციებში; არის 26 სამეცნიერო ნაშრომის, 2 მონოგრაფიის და 4 წიგნის ავტორი; მისი პუბლიკაციები იბეჭდება სხვადასხვა სამეცნიერო ჟურნალში.

საკანდიდატო დისერტაციის თემა - "გარდამავალი ასაკის მოსწავლეთა ეკოლოგიური აღზრდა აღზრდისადმი კომპლექსური მიდგომის უზრუნველყოფის მეშვეობით", დაიცვა 2001 წელს.

• საქართველოს მეცნიერებათა აკადემიის აკადემიკოს ავთანდილ გუნიას სახელობის ადამიანის ცხოვრების გაუმჯობესებისათვის საქველმოქმედო კვლევის საზოგადოებრივი აკადემია, საპატიო აკადემიკოსი (2018-)
• საქველმოქმედო ფონდი "გურული დღიურები", თანადამფუძნებელი

• გურული ეთნოგრაფიული სამზარეულო : კრებული (ავტორი). - თბილისი, მერიდიანი, 2022. - 352გვ.. - ISBN: 9789941342332
• ტურიზმის ბიზნესის ორგანიზაცია : სასწ.-მეთოდ. სახელმძღვ. (თანაავტორი). - თბილისი, 2014. - 208 გვ.. - ISBN: 978-9941-9373-6-1
• მოსწავლეთა ეკოლოგიური აღზრდის შესაძლებლობანი სკოლასა და ოჯახში (ავტორი). - თბილისი, 2005. - 136გვ.
• მოსწავლეთა ეკოლოგიური აღზრდა და ბუნების დაცვის ღონისძიებათა ფართოპროპაგანდა (ავტორი). - თბილისი, 2004
• გარდამავალი ასაკის მოსწავლეთა ფსიქო-ფიზიკური თავისებურებები (ავტორი). - თბილისი, 2003
• გარდამავალი ასაკის მოსწავლეთა ეკოლოგიური აღზრდა სკოლისა და ოჯახის ერთობლივი მუშაობის გზით (ავტორი). - თბილისი, თბილ. უნ-ტის გამ-ბა, 2002. - 75გვ.. - ISBN: 999289332X
• სკოლის სასწავლო-საცდელი ნაკვეთი : დამხმ. სახელმძღვ. ბიოლოგიის მასწავლებელთათვის (ავტორი). - თბილისი, 2001. - 101გვ.