შოთა არაყიშვილი

დაბადების ადგილი: ქ. თბილისი.

დაამთავრა თბილისის N4-ე მუსიკალური სასწავლებელი კლარნეტის სპეციალობით 1940 წელს; თბილისის სამედიცინო ინსტიტუტის სამკურნალო ფაკულტეტი 1952 წელს.

1941-1946წწ. გაწვეული იყო საბჭოთა არმიის რიგებში და აქტიურ მონაწილეობას იღებს სამამულო ომში; სხვადასხვა ფრონტის ხაზზე უკრავდა სამხედრო ორკესტრებში საქსაფონსა და კლარნეტზე; 1947-1952წწ. სწავლის პერიოდში აყალიბებს სამედიცინო ინსტიტუტში ჯაზ - ორკესტრს, სწორედ ამ ორკესტრის ჩამოყალიბების შემდეგ გაჩნდა მსგავსი ორკესტრები პოლიტექნიკურ და სახელმწიფო უნივერსიტეტებში; მისი ხელმძღვანელობით არაერთი კონცერტი ჩაუტარებია მედიკოსთა ჯაზს; წარმატებით გამოდიოდნენ მაშინდელი ძერჟინსკის, ვოროშილოვის, მედ-მუშაკთა და სხვადასხვა კლუბებში; ასევე მართავდნენ კონცერტებს ოპერის, რუსთაველის და მარჯანიშვილის თეატრებში; 1952 წელს ორკესტრი დაიშალა და შემდეგ მომდევნო თაობა 1956- 1957წწ. კვლავ შეიკრიბა იგივე შ. არაყიშვილის ხელმძღვანელობით და გაიმარჯვა თბილისში გამართულ რესპუბლიკურ დათვალიერებაზე; შ. არაყიშვილი ავტორია პოპულარული სიმღერებისა მათ შორის: "ვარდებიან გაზაფხულზე გნახე", "მიყვარს შენი შავი თვალები" და სხვა; ამავე პერიოდში მუშაობს თბილისის სახელმწიფო ცირკის ორკესტრშიც თავის ტყუპისცალ ძმასთან დიმიტრისთან ( მიტო) ერთად; სიცოცხლის ბოლომდე მუშაობს თავისი სპეციალობით ქალაქის N13-ე პოლიკლინიკაში ოტოლარინგოლოგად. ეროვნული საკომპოზიციო სკოლის ფუძემდებლის, კომპოზიტორ დიმიტრი არაყიშვილის უმცროსი ვაჟი.

წყარო: "შავთვალა ხუჭუჭთმიანი ჩემს გულში შემოპარულა" : მედიკოსთა ჯაზი ნახევარი საუკუნის წინ // ეშვი .-თბილისი, 2000.-N3.-გვ.4; იყო ასეთი ჯაზიც // ეშვი .-თბილისი, 2000.-აპრილი.-N4.-გვ.4; გვემღერება და ვმღერით // დილის გაზეთი.-თბილისი,2000.-25 აპრილი.-გვ.24